“Cənab Prezident Paşinyanla keçirdiyi debatlarda yenidən onun arqumentlərini alt-üst etdi. Bu xüsusilə Ermənistan-Azərbaycan arasında müsbət konstruktik sülh təkliflərinin birinci Azərbaycan lideri tərəfindən təklif edilməsi ilə oldu. İlham Əliyev bir daha bütün dünyaya sübut etdi ki, biz sülh istəyirik, müharibə yox”.
Bu sözləri Ednews-a açıqlamasında deputat Tural Gəncəliyev bildirib. O, qeyd edib ki, Münhendə İlham Əliyevin erməni yalanlarına qarşı dünyaya verdiyi mesajlar Paşinyanı ifşa etdi.
“Qarabağda Ermənistanın törətdiyi əməllər 2020-ci il müharibəsindən sonra yenə də Ermənistanın köhnə ritorika üzərində qurduğu siyasətini ifşa etdi. Prezidentin çıxışı həm də Qarabağ məsələsinin Azərbaycanın daxili işi olması, orada yaşayan insanların və ərazinin Ermənistana aid olmamasının və ümumiyyətlə dünyanın heç bir üçüncü ölkəsinin buna müdaxilə etmək hüququna malik olmamasını bildirməsi ilə yadda qaldı. Bundan başqa Qarabağda qanunsuz ünsürlər və onların öz fəaliyyətlərini davam etdirə bilməyəcəyi Qarabağın ümumiyyətlə hansısa bir şəkildə Ermənistan tərəfindən manipulyasiya edilməsinin yenidən qarşısının alınacağı kimi məsələlər Cənab İlham Əliyev tərəfindən diqqətə çatdırıldı”.
Deputat Prezident İlham Əliyev sərhəddə nəzarət-buraxılış məntələqələrinin yaradılması barədə fikri ilə bağlı da danışıb. O, Ermənistanın sərhədlərin müəyyənləşməsindən boyun qaçırmasındakı əsas məqsədini açıqlayıb:
“Ümumiyyətlə, Ermənistanın delimitasiya və demarkasiya, nəzarət-buraxılış məntəqələrinin yaradılması kimi konstruktiv təkliflərdən qaçması həqiqətən görülməmiş hadisədir. Ermənistan birincisi bundan qaça bilməz çünki bu dünya praktikasında qəbul edilən bir haldır. İkincisi biz sərhədlərin müəyyən edilməsindən danışırıqsa, bu işlər bitdikdən sonra bütün insidentlər də aradan qalxacaq. Münasibətlərin normallaşması sürətlənəcək. Beləliklə sülhün bərqərar olması istiqamətində addım atılacaq. Lakin Ermənistan aqressiv ekspansionist siyasətinin həyata keçirilməsini davam etdirmək istəyir. 44 günlük müharibədən 2 il keçməsinə baxmayaraq hələdə Azərbaycanın sülh sazışı ilə bağlı təkliflərinə Ermənistan cavab vermək istəmir. Beləliklə məsələnin həllində maraqlı olmadıqlarını biruzə verir. Ona görə də bu məsələ xüsusi diqqətdə saxlanılmalıdır”.
T.Gəncəliyev Qarabağda separatçılqla məşğul olmayan hər bir erməninin Azərbaycan vətəndaşı ola biləcəyini də vurğulayıb.
“Ruben Vardanyanla Qarabağa dəxli olmayan aqressiv separatizmi təbliğ edən bir ünsür olaraq gəlib. Onun fəaliyyətinin davam etdirməsi bizim ərazi bütövlüyümüzə təhdid yaradır. Ona görə belə ünsürlər istisna olmaqla, Azərbaycanın Qarabağda yaşayan erməni sakinlərlə heç bir problemi yoxdur. Biz onlarla dialoq qurmağa, orada Azərbaycan vətandaşları kimi onların mövcudluğunu davam etmələrinə etiraz etmirik. Biz aqressiv separatizmi təbliğ edən Azərbaycan konstitusiyasına qarşı fəaliyyət göstərən Vardanyan kimi separatçıların fəaliyyətinin dayandırılmasını, oradan çıxarılması tələb edirik”.
Deputat Qarabağda yaşayan ermənilərin hüquqlarının qorunması üçün Azərbaycanda mükəmməl qanunvericilik sistemi olduğunu deyib:
“Qarabağda yaşayan vətandaşlarımızla dialoq onların hüquq və azadlıqlarının qorunması təmin edilməsi təlükəsizlik məsələləri Azərbaycan konstitutsiyası çərşivəsində həyata keçiriləcək. Bunun üçün Azərbaycanda çox mükəmməl qanunvericilik sistemi və bazası var. Biz hər zaman ABŞ və avropalı həmkarlarımızın müxtəlif platformalar da Qarabağdakı erməni sakinlərinin təhlükəsizliyi hüquqlarıla bağlı suallarını cavablandırarkən qeyd edirik ki, orda yaşayan insanlar vətəndaşlarımızdır, onların təhlükəsizliyinin təmin etmək ən önəmli məsələmizdir. Ona görə də biz bu məsələlərə Azərbaycan qanunları çərçivəsində yanaşırıq, ona görə əlavə imtiyazlardan hansısa bir hüquqlardan söhbət gedə bilməz”.
Əbülfət Baxşəli
.jpeg)