Rəsmi Bakının dəfələrlə Rusiya MN xəbərdarlıqlarına baxmayaraq, dövlət saytı öz əməllərinən əl çəkmir və Azərbayacana qarşı bu təxribat xarakterli addımlar atır.
Məsələ ilə bağlı Ednews-a danışan politoloq Qabil Hüseynli bildirib ki, bu hallar artıq neçənci dəfədir ki təkrarlanır.
“Bu məsələnin həlli ancaq rus sülhməramlılarının Qarabağdan uzaqlaşdırılmasındadır. Bununla bərabər biz öz fəaliyyətimizi davam etdirməliyik. Bu təxribatlara birmənalı şəkildə cavab verilməlidir. Biz onlara etiraz edirik, onlar isə öz öhdəliklərində olan işi yerinə yetirmirlər. Bu ciddi məsələdir”.
Deputat onu da qeyd edib ki, Rusiyanın ermənilər və onların lobbiləri tərəfindən idarə olunan dövlət qurumları saxta toponimlərdən istifadə edərək təkrar təxribatlara yol açırlar.
“Bu məsələyə rəsmi səviyyədə cavab verilməli və ən əsası da tələb olunmalıdır. Qarabağın ermənilər yaşayan ərazilərində suverernliyimizi möhkəmləndirməliyik . Bölgələrin Azərbaycanın qanunvericiliyinə uyğun idarə edilməsi vacibdir”.
Politoloqun fikrincə hərbi və təhlükəsizlik sahəsində də işlər görülməlidir.
“Bu müddət ərzində Azərbaycan tərəfi elə vəziyyət yaratmalıdır ki, sülhməramlılar və monitorinq qrupu Azərbaycanın marağına uyğun hərəkət etsinlər”.
Ayan Rzayeva