Fransa Parlamentinin Azərbaycana qarşı qərarına etiraz olaraq Milli Məclis bəyanat verib. Bəyanatda qeyd edilib ki, Azərbaycan ərazilərində yaşayan erməni azlıqları üçün Fransanın canfaəşanlıq etməsi qəbuledilməzdir.
“Fransanın Azərbaycanın ərazi bütövlüyünə və süvernliyinə qarşı addımlar atması, regionda speratçılığı şirnikləndirməsi, bölgədə itirdiyi mövqeləri kobudluqla bərpa etmək cəhdləri və dövlətimizin daxili işinə müdaxilə etməsi yolverilməzdir. Fransanın bölgədə sülh yaratmağa və ölkələrin daxili işinə qarışmamağa çağırırıq”.
Bəyanatı Ednews-a şərh edən millət vəkili Ceyhun Məmmədov bildirib ki, vətən müharibəsi dövründə bölgədəki proseslərə müdaxilə etməyə cəhd edən Fransanın burnu bir neçə dəfə möhkəm əzilib.
“Sonrakı dövrdə də Prezident İlham Əliyevin rəhbərliyi ilə Azərbaycan Fransanın bütün cəhdlərinin qarşısını qətiyyətlə aldı. Bir reallıqdır ki, bu gün də bölgəyə sülhün gəlməsinə, münasibətlərin normallaşmasına ən çox mane olan Fransa və onun prezidenti Emanuel Makrondur. Bu gün artıq bəzi Fransa siyasətçiləri də açıq qeyd edirlər ki, Emanuel Makron artıq özünü Fransızların deyil, ermənilərin prezidenti kimi aparır”.
C.Məmmədov qeyd edib ki, Fransanın ikinci erməni dövləti qurmaq niyyəti varsa, bunu Marsel şəhərində edə bilər:
“Bu gün ermənilər Marsel şəhərinə də iddia edirlər. Şərait yaratsınlar orda ermənilər ikinci erməni dövləti qursunlar. Əgər Fransa belə prosesə töhfə vermək niyyətindədirsə, niyə 30 il müddətində ATƏT çərçivəsində bu canfəşanlığı göstərmədi? Mən erməni vəhşiliyinin, barbarlığının şahidi kimi Fransa Senatına belə bir təklif vermək istəyirəm. Əgər siz həqiqi barbarlığı, soyqırım görmək istəyirlərsə gəlin mən sizi aparım onlara göstərim necə ermənilər on min kvadratmetr kilometr ərazini, mənim doğulub başa çatdığım evimi barbarcasına dağıdıblar, babamın, nənəmin və digər doğmalarımızın qəbrini necə goreşən kimi eşiblər. Bu vəhşiliyin miqyası o dərəcədədir ki, mən öz evimi tapa bilmirəm. Fransa bilməlidir ki, Azərbaycan yenə bu cəhdlərin qarşısını qətiyyətlə alacaq. Hər dəfə burnu yenidən əziləcək”.
Oğuz