Azərbaycan Respublikasının Avropa İttifaqı yanında Nümayəndəliyinin rəhbəri Vaqif Sadıqov öz twitter hesabında paylaşım edib. O, paylaşımda bildirib ki, yerli polisin verdiyi məlumata görə, gələn həftə Avropa və ABŞ-da erməni diaspor fəalları Azərbaycanın diplomatik nümayəndəlikləri və səfirliklərə qarşı zorakılıq aktları həyata keçirə bilərlər.
Məsələ ilə bağlı Milli Məclisin deputatı Elman Nəsirov Ednews-a danışıb. Onun sözlərinə görə, ayrı-ayrı Avropa ölkələrində eyni zamanda ABŞ-ın şəhərlərində Azərbaycanın diplomatik nümayəndəlikləri və səfirliklərə qarşı zorakılıq hallarını dəfələrlə olub.
“Bunun digər nümunəsi 27 yanvarda Tehrandakı səfirliyimizə terror hücumu bütün dünyaya bəllidir. Bu reallıq fonunda Azərbaycan Respublikasının Avropa İttifaqı yanında Nümayəndəliyinin rəhbəri Vaqif Sadıqovun belə məlumat yayması böyük bir xəbərdarlıqdır. Hesab edirəm ki, bu məlumatın özü Avropa ölkələri və ABŞ-da hüquq-mühafizə orqanları və təhlükəsizlik xidmətləri üçün çox ciddi siqnal olmalıdır. Hazırda beynəlxalq hüquq elə bir vəziyyətə düşüb ki, artıq bütün dünyanın gözü qarşısında aşkaranə şəkildə ayrı-ayrı ölkələrin səfirliklərinə, diplomatik nümayəndəliklərini hədəfə almaq və yaxud terror aktı törətmək mümkündür. Eyni zamanda bunları etdikdən sonra cəzasız qalmaq da mümkündür. Tehran, Paris, Los-Ancelesdə və digər şəhərlərdə yaşananlarda bunu təsdiq etdi”.
Deputat qeyd edib ki, bu günləri erməni diaspor təşkilatının əməkdaşları arxayınçılıq sindiromu ilə yaşayırlar.
“Ermənilər də fərqindədirlər ki, milli-etnik zəmində cinayət törədə bilərlər. Bunun üçün heç biz cəza almayacaqlarını da bilirlər. Bu isə çox acınacaqlı bir haldır. Beynəlxalq hüququn necə ayaqlar altına atılıb, tapdalandığını görürük. Dünya heç bir zaman indiki kimi təhlükəli olmayıb. Çünki beynəlxalq hüquq sənədlərini imzalayan tərəflər belə indi ona icra etmirlər. Bu tviterlə bağlı Azərbaycanın müvafiq qurumları xüsusilə, XİN həyəcan təbili çalmalıdır. Hesab edirəm ki, bu prosses gedir. Çünki qabaqlayıcı, önləyici tədbirlər görülməlidir. Azərbaycan diplomatik nümayəndəliklərinə qarşı terror aktlarının qarşısı alınmalıdır. Vyana Konvensiyası ciddir əməl olunmalıdır”.
Aysel Şahmar