30 ilə yaxın Azərbaycan torpaqlarını işğal etdikləri azmış kimi, hələ də Azərbaycanın haqq yolunda qazandıları qələbəni həzm edə bilmirlər. Qərbin qucağında özlərinə təsəlli axtaran ermənilər son zamanlar istiqamətlərini dəyişmək niyyətinə düşüblər. İndi də Qərbi Qarabağı parçalayıb Azərbaycana verməkdə günahlandırırlar. Bu barədə jurnalist Armon Abavyan deyib. 

“Qərb sülh müqaviləsinə müdaxilə edərək, Rusiyanı regionda sıxışdırmaq istəyir. Erməni xalqı buna imkan verməməlidir”. 

Belə bir ritorika ilə çıxış edən erməni cəmiyyəti həqiqətənmi, bu xalq sülh istəyir, yoxsa yenidən münaqişə etmək üçün xalqı təxribata sövq edir?

Bu barədə Ednews-a özəl açıqlaması zamanı erməni aktivist və bloqer, sülhməramlı təşəbbüsləri ilə gündəm yaradan İşxan Verdyan bildirdib ki, Qarabağ erməniləri Azərbaycanla heç bir sülh haqqında düşünmürlər. Tamamilə Rusiya Federasiyasının hökmranlığı və təbliğatı altında qalaraq, istədikləri yeganə şey Azərbaycandan müstəqillik əldə etməkdir. Onların fikri birmənalı və qətidir və görünür, bunu dəyişmək fikrində deyillər və bu məsələdə heç kimlə, xüsusən də Ermənistanla hesablaşmaq fikrində deyillər.

“Digər tərəfdən, erməni cəmiyyəti Azərbaycanla sülh istəyir və intuitiv olaraq başa düşürlər ki, Qarabağ Azərbaycana qayıtmalıdır. Və onların bu mövqeyi Qarabağ ermənilərinin mövqeyinə tamamilə ziddir. Lakin onlar öz mövqelərini aydın və aydın formada ifadə edə bilmirlər, çünki Rusiyaya bağlı ölkədə fəal işləyən təbliğat maşını hər dəfə onlara Azərbaycanın Qarabağın erməni əhalisini məhv etməklə hədələdiyi mənzərəni çəkir və bu da insanlarda qorxu yaradır”. 

Erməni aktivistin sözlərinə görə, sülh prosesini ləngitməmək üçün bütün informasiya resurslarından imtina edən Rusiya vəziyyəti fəal şəkildə destabilləşdirir. 

“Onunla əlaqəli erməni təbliğat maşını hər dəqiqə əhali üçün yalanlar qurur, faktları təhrif edir, reallığa məhəl qoymur ki, bu da insanların reallığı yanlış dərk etməsinə gətirib çıxarır. Rusiya Federasiyasından olan natiqlərin ağzından çox birmənalı siqnallar səslənir ki, Qarabağ Rusiya üçün xüsusi maraq kəsb edən zonadır, bu isə o deməkdir ki, Rusiya problemin ən yaxın həllində maraqlı deyil və ya nizamlanmanın öz variantını təklif edir. Bu Ermənistan və Azərbaycan arasında sülh müqaviləsi demək deyil”.

Oğuz