“Ermənistanda revanşist qüvvələr yenə baş qaldırır, biz istənilən vəziyyətə hazır olmalıyıq və elə bir ordu yaratmalıyıq ki, dünya miqyasında nümunəvi olsun və ən güclü ordulardan biri olsun. Bu gün də Azərbaycan Ordusu güclüdür”. 

Bu fikirləri Prezident İlham Əliyev müsahibəsi zamanı bildirib. Dövlət başçısı bi sözlərlə həmçinin son zamanlar törədilən erməni təxribatlarına cavab verib.

Prezidentin bu çıxışında  bir daha sülh sazişini önə çəkdiyini vurğulayan deputat Fəzail Ağamalı Ednews-a bildirib ki, həqiqətən də Ermənistanın bundan başqa seçimi yoxdur:

“Əgər Ermənistanın bu sülh sazişini imzalamasa,  Qarabağı Azərbaycanın ərazisi kimi tanımasa Ermənistanı ağır faciələr gözləyir. Prezidentin “Bugünkü Azərbaycan Ordusu Zəfər çalmış eyni Azərbaycan Ordusundan qat-qat güclüdür” ifadəsi çox ciddi mesajdır. Bu gün Azərbaycan xalqının bir-birinə bağlılığı və vəhdəti var. Bu vəhdət dönməz xarakter daşıyır. Hamçinin, bayrağımızın yandırılmasın da Ermənistanın və hakimiyyətinin necə reaksiya verdiyini gördük. Hansı bayraq ki, bu gün  Qarabağda, Şərqi Zəngəzurda dalğalanır”.

Deputat bildirib ki, Ermənistan  Azərbaycan bayrağının Qarabağda dalğalanmasını unutmalı deyil. 

“Ermənilər uzaqdan olsa da Azərbaycan bayrağına yaxınlaşmağa belə cəsarətində deyillər. Azərbaycan bayrağının yandırılması bizi sarsılda bilməz. Lakin ermənilər bir gün gözünü  açıb üç rəngli bayrağı başlarının üstündə görəcəklər. Ermənistan və onu himayə edən ölkələr Prezidentin bütün söz və ifadələrindən dərs çıxarmalıdırlar. Düşünürəm ki, bu separatçılara son xəbərdarlıq idi”.