“Bu görüşdə Azərbaycanın üstünlüyü göz qabağında idi. Avropa Siyasi İcması Rusiya-Ukrayna müharibəsindən sonra yaranıb. Burada daha çox enerji təhlükəsizliyi məsələləri müzakirə olunurdu. Bu istiqamətdə də Azərbaycanın rolu əvəzolunmazdır. Görüş nəticəsində olan məsələlər kifayət qədər uğurludur”.
Bu sözləri Ednews-a açıqlamasında Beynəlxalq idarəetmə üzrə ekspert Əhməd Əlili deyib. O, bildirib ki, Kişinyovdakı görüş Azərbaycan üçün çox vacib platforma idi.
“Eyni zamanda da beştərəfli görüşün keçirilməsi Azərbaycanın maraqlarına tam cavab verən məsələ idi. Artıq Azərbaycan və Ermənistan arasındakı məsələlər Aİ tərəfindən uğurlu formada həll olunmağa başlayıb. Xüsusən, əvvəlki görüşlər Azərbaycanın maraqlarına tam cavab verir. Ölkəmiz uğurlu nəticə əldə edir”.
Xatırladaq ki, iyunun 1-də Kişinyovda Azərbaycan Respublikasının Prezidenti İlham Əliyev, Ermənistan Respublikasının baş naziri Nikol Paşinyan, Avropa İttifaqı Şurasının Prezidenti Şarl Mişel, Almaniya Federativ Respublikasının Kansleri Olaf Şolts və Fransa Respublikasının Prezidenti Emmanuel Makron arasında qeyri-rəsmi görüş keçirilib.