Qriqoryan Minskdə KTMT iclasında Laçın dəhlizini blokadasını və Azərbaycanın Qarabağda guya etnik təmizləmə apardığını gündəmə gətirib. Ermənilər yenə dünyaya Azərbaycan haqqında qara piar aparır.
Bu piarın səbəbi nədir? Niyə Ermənistan çirkin əməllərindən əl çəkmir?
Məsələ ilə bağlı Ednews-a politoloq Natiq Miri bildirdi ki, Ermənistanın böhtan xarakterli bu cür siyasəti onların son şansıdır.
“Çünki hər zaman soyqırım siyasətindən guya ermənilərə qarşı etnik təmizləmə siyasəti aparılır deyə bu cür hərəkətlərlə həyata keçirməklə əslində çox milyardlı sənayə qura biliblər. İnsanların qanı üzərindən illərdi ki, Ermənistan və müəyyən erməni şəbəkələri milyardlar qazanır. Növbəti ənənəvi siyasətin davamını yenə də Qarabağla bağlı müşahidə edirik. Bütün dünyaya bəllidir ki, Azərbaycan mülki şəxslərə qarşı heç bir zaman güc tətbiq etməyib və bu türk əxlaqında da mövcud deyil. Qarabağda qanunsuz erməni silahlı birləşmələrinin mövcudluğunu da dünya bilməmiş deyil. Elə olduğu təqdirdə hər bir dövlət kimi Azərbaycan da öz ərazisində bu cür qanunsuz silahlı birləşmələri ləğv etmək məcburiyyətindədir. Bu dövlət təhlükəsizliyi baxımdan çox önəmlidir. Çünki heç bir dövlət bu cür terrorçu ünsürləri öz ölkəsində saxlamaz”.
N.Miri qeyd etdi ki, ayrıca Azərbaycanın daxilində seperatizm dalğası var. Bu 30 ildən artıqdır ki, davam edir. Bu separatimz şəbəkəsi ləğv olunmalıdır:
“Bu həm beynəxalq hüqüq normaları, həm də Azərbaycan Konstitutsiyası çərçivəsində həyata keçirilməlidir ki, Azərbaycan bu məsələlərdə də haqlıdır və bu hüququ hər zaman özündə saxlayır. Ermənistan da bunu bildiyi üçün ki, hansısa zamanda anti-terror əməliyyat keçirməklə qanunsuz erməni birləşmələri Qarabağdan ləğv oluna, çıxarıla bilər. Bu da Ermənistanın Azərbaycana təsiri imkanlarını yox edəcək. Ermənistan buna görə narahatdır. Bir tərəfdə dünyaya sülh carçısı kimi görünmək istəyən və özünün sərhəd problemlərini həll etmək üçün Azərbaycanın Qarabağ daxil ərazi bütövlüyünü tanımağa hazır olduğunu bəyan edir, digər tərəfdən isə anti-Azərbaycan təbliğatı aparılır. Bütün bunun hamısı əslində, sülh müqaviləsinin imzalanmasına imkan verməmək və zaman qazanmaq xarakteri daşıyır. Bu çərçivədə Ermənistan və onun havadar dövlətləri hər zaman ölkəmiz üzərində Qarabağ kimi təsir imkanlarını saxlamaq istəyindədirlər. Azərbaycan da buna imkan vermək istəmir. Ona görə də bu cür qara piarı bu kontekstdə dəyərləndirmək lazımdır, ancaq konkret olaraq KTMT platforması tribunası çərçivəsində Qriqoryanın məlum açıqlamaları bu dolayısı ilə həm də Rusiyanı ittiham etmək xarakteri daşıyır. Nikol Paşinyan hər zaman Laçın yolunun bağlanması və bu məsələdə məsuliyyətini Qarabağda mövcud olan rus hərbi kontingentinin üzərinə yıxır. Necə ki, Ermənistanda 44 günlük müharibədə Rusiya və KTMT Ermənistanı müdafiə edə bilmədisə eyni şeyin bu gün Qarabağda yaşandığını iddia edir. Bu həm də Rusiyaya qarşı şantaj siyasətidir. Həm də gələcəkdə KTMT-dən çıxmaq üçün hüquqi zəminlər və bəhanələr Ermənistan üçün hazırlayır”.
Oğuz