Təxminən 2 gündür ki, Ermənistandan Qarabağa yola çıxan “humanitar yük” adı altında göndərilən avtomobil konvoyları Laçın sərhəd-buraxılış məntəqəsində saxlanılır.
Azərbaycan Respublikasının XİN, Ermənistan hökümətinə Laçın yolundan istifadəsinə qəti şəkildə icazə vermir və sadəcə ölkənin nəzarəti altında Ağdam – Xankəndi yolundan istifadəsini tələb edir. Lakin Ermənistan tərəfi heç cürə razılığa gəlmir və hətta Qərbə öz əssassız ittihamları ilə regiondakı vəziyyəti siyasiləşdirərək gərgin hala gətirir.
Situasiya belə davam etdiyi müddətcə Azərbaycan höküməti regionda yarana biləcək potensial bir təxribata qarşı anti -terror əməliyyatlarına başlaya bilərmi?
Beynəlxalq ekspert, Ceymstaun Fondunun idarə heyətinin üzvü və ABŞ-ın Azərbaycandakı keçmiş səfiri Metyu Brayza Ednews-a bildirib ki, Ermənistan Laçın yolu ilə bağlı olan məsələni siyasiləşdirir, çünki orada sahib olduğu mövqeni təxribatla saxlamaq istəyir:
“Düşünürəm hələ ki, Azərbaycan hökümətinin anti-terror əməliyyatına başlamasına və ya iki ölkə arasında hərbi qarşıdurma olacağını söyləmək çətindir. Çünki sülh tərəfdaşı olmaq istəyən ölkələrin bu cür addımlar atmasını gözləmək olmaz. Keçirilən son Brüssel görüşü göstərir ki, sülh müqaviləsi mümkün görünür. Qərb, Ermənistanın əsassız ittihamlarına dəstək durub məsələni gərginləşdirməyə yox, Brüssel görüşünün iştirakçı rəhbərlərinə tam dəstək göstərib məsələni həll etməyə çalışmalıdır”.
Ekspert həmçinin qeyd edib ki, ermənilərin ittihamları əsassız olmaqla birlikdə həmçinin axmaqcadır:
“Azərbaycan hökümətinin məsələdə həssas və ehtiyatlı olması anlaşılandır. Çünki hələ ayın əvvəlində Beynəlxalq Qızıl Xaç Komitəsinin Laçın yolu vasitəsi ilə icazəsiz və yoxlanılmamış yükləri daşımağa çalışırdı. Ona görə də eyni proses baş verməsin deyə, Azərbaycan tərəfi Ağdam-Xankəndi yolunun istifadəsini tövsiyə edir. Ermənistan tərəfi isə qərara çox emosianal çıxış edərək, məsələni qabardaraq “Azərbaycanın soyqırım və etnik təmizləmə etməyə çalışır” başlığı altında axmaqca fikirlər söyləyir. Onlar anlamalıdılar ki, əgər Azərbaycanın məqsədi etnik təmizləmə olsaydı, bunu 2020 – nin noyabrında müharibəni davam etdirərək edərdi. Lakin bunu etməyərək, Qarabağ ermənilərinin Azərbaycan vətəndaşı olaraq qalmasına imkan yaradıldı. Ona görə də Ermənistanın bariz məqsədi, Qarabağın hüquqi statusunun həlli məsələsini sual altında qoyaraq Qarabağla olan bağını mümkün qədər uzun saxlamaqdır. Lakin bu isə qeyd etdiyim kimi həll yolu deyildir”.
Əkbər Şəbəndəyev