Polşada ATƏT sədrinin çağırışı ilə İnsan ölçüsü üzrə Varşava Konfransı davam edir.
Ednews xəbər verir ki, oktyabrın 6-da “Fundamental azadlıqlar” adlı IV plenar sessiyada Azərbaycanın vətəndaş cəmiyyətinin fəalı Adnan Hüseyn ermənilərin əsassız ittihamlarını pisləyib. O, qeyd edib ki, Ermənistan nümayəndə heyətinin Azərbaycana qarşı irəli sürdüyü əsassız ittihamları qətiyyətlə rədd edir.
“Ermənistan ATƏT-in digər iştirakçı dövlətinə qarşı təcavüz təşəbbüsü ilə çıxış edən və otuz ilə yaxındır ki, qonşusunun ərazilərini qanunsuz olaraq işğal etmiş bir xalqdır. Beynəlxalq hüququ, o cümlədən BMT Nizamnaməsini açıq şəkildə pozaraq, etnik təmizləmə və nifrət kimi anlayışlara istinad etmək hüququ yoxdur. Azərbaycan xalqı nifrət və dözümsüzlüklə körüklənən vəhşiliklərlə müşayiət olunan erməni təcavüzündən çox əziyyət çəkib. Nəticə etibarı ilə Azərbaycan tolerantlıq, sülh, dialoq və multikulturalizmi müdafiə etməklə yanaşı, nifrət və ayrı-seçkiliklə mübarizəyə böyük önəm verir”.
Fəal daha sonra fotolarla Ermənistanın Azərbaycana qarşı müharibə cinayətlərini kəskin şəkildə qınayıb:
“Birinci Qarabağ müharibəsi zamanı ermənilər təxminən bir milyon azərbaycanlını öz evlərindən tərk etməyə məcbur etmiş, onları 30 il ərzində qaçqın və məcburi köçkün vəziyyətinə salıb. Çoxları həmin ərazilərdən sərt qış şəraitində piyada qaçmalı oldular. Təəssüf ki, on minlərlə insan erməni təcavüzün və vəhşicəsinə qətllərin qurbanı olmaqdan sağ çıxa bilmədi. Xüsusən də Xocalı qətliamında qadınlar, uşaqlar və qocalar da daxil olmaqla heç kimə aman verilməyib. Erməni işğalı irsimizin, o cümlədən məscidlərin və Azərbaycan qəbiristanlıqlarının tamamilə məhv edilməsi ilə nəticələndi. Məsələn, Ağdam indi Qafqazın Xirosimasını xatırladır. Təəssüf ki, bu acınacaqlı reallıq bir çox başqa şəhərləri də əhatə edir”.
Jurnalist çıxışında İkinci Qarabağ müharibəsi zamanı müharibə zonasaında kənarda yerləşən şəhərlərdə törədilən cinayətlərə də toxunub:
“Azərbaycan əsgərləri 2020-ci ildə sırf Azərbaycanın beynəlxalq səviyyədə tanınmış əraziləri daxilində və döyüş meydanında azad etmə əməliyyatları keçiriblər. Təəssüf ki, ermənilər başqa yol tutdular. Onlar dəfələrlə raket hücumlarına əl atdılar. Döyüş meydanından kənarda yerləşən şəhərlərdə, o cümlədən Gəncə, Bərdə və Tərtər şəhərləri həmin raket atəşlərinə tutuldular. Yaşayış məntəqələrinə qəsdən edilən bu hücumlar qadınlar və uşaqlar daxil olmaqla yüzlərlə mülkü itkilərə səbəb oldu”.
Çıxışının sonunda o, Azərbaycanın etnik Qarabağ ermənilərinin hüquq və təhlükəsizlyinin təmin edəcəyin qətiyyətlə vurğulayıb:
“Azərbaycan Qarabağda qalmaq istəyən ermənilərə icazə verməklə yanaşı, onların hüquqlarını və təhlükəsizliyini təmin etmək öhdəliyinə sadiq qalır. Biz bu öhdəliyi Laçın sərhəd-keçid məntəqəsindən keçən, su və yemək kimi zəruri ehtiyaclarla təmin edən hər bir erməniyə şamil etmişik. Xatırladım ki, bu 30 il əvvəl məcburi köçə məruz qalmış azərbaycanlıların şəraiti ilə tamamilə ziddiyyət təşkil edir. Əvvəldə qeyd edildiyi kimi, bu səylərə baxmayaraq, Ermənistan normallaşmaq əvəzinə, barışıq yolunu əngəlləyən əsassız iddialarla çıxış etməkdə davam edir”.
Əkbər Novruz