“Bir çox Qarabağ erməniləri Ermənistandan qaçmağa davam edirlər. Mən artıq ən azı üç ailəni tanıyıram ki, yalnız keçmiş qondarma rejimin “məmurları”nın daimi təhdidləri ilə ölkədən gediblər. Qarabağ erməniləri quldurların həbsi, baş verən bəlalara görə məsuliyyət daşıyanlara qarşı bir cinayət işi, “Qarabağ klanı”nın başçılarının əmlakının müsadirə olunması ilə bağlı heç bir bəyanat görmədilər”.
Ednews "caliber.az"a istinadən xəbər verir ki, bu barədə erməni bloger Roman Bağdasaryan öz “Facebook” səhifəsində yazıb.
“Əslində Ermənistan sadə Qarabağ sakinlərinə İrəvanın mərkəzində onların (red. Qarabağ erməniləri) boğazını kəsməklə hədələyən Samvel Şahramanyanın hədələri altında yaşamağı təklif edir. Bir ay ərzində qarabağlıların 6 faizi getdi.
Onların təxminən 35%-i bir il ərzində Ermənistanı tərk etməyi planlaşdırır. İnsanlar 35 ildir ki, narkomanların və quldurların əlində əzab çəkiblər. İndi isə onlardan cinayətkarların təsiri altında əzab içində yaşamağa davam etmək istənilir”, - deyə Bağdasaryan qeyd edib.