“Azərbaycan Respublikasının Prezidenti cənab İlham Əliyevin sərəncamı ilə 2024-cü il 7 fevral tarixində Azərbaycanda növbədənkənar prezident seçkiləri keçiriləcək. Müstəqil Azərbaycanın tarixində ilk dəfə olaraq seçkilər ərazi bütövlüyünü təmin etmiş, suveren dövlətimizin bütün ərazisini əhatə edəcək. Bu baxımdan dövlətimiz adına mühüm hadisəni zəfər seçkisi də adlandırmaq olar. Xankəndi, Şuşa, Laçın, Kəlbəcər və digər azad edilmiş rayon və kəndlərimizdə yaradılmış seçki məntəqələrində 20 minədək əhalimiz ilk dəfə olaraq səs verəcək”.

Bunu Ednews - a açıqlamasında deputat Müşfiq Məmmədli deyib.

Onun sözlərinə görə, birmənalı olaraq indidən qeyd etmək istərdim ki, xalqımız Qarabağı Azərbaycana qovuşduran, dədə-baba torpaqlarımızın həsrətinə son qoyan Müzəffər Ali Baş Komandan, qalib sərkərdə İlham Əliyevə tam dəstək göstərərək xalqın layiqli liderinə səs verəcəkdir. “Bu seçkilər həm də xalqın öz rəhbərinə olan sevgisini bildirmək üçün gözəl bir fürsətdir. Bəzi destruktiv, məhdud potensiala malik, qərəzli mövqe tutan, partiya üzvlərinin sayı 5000-ni keçməyən, köpük effekti yaradaraq özünü dırnaqarası lider hesab edənlər növbəti dəfə iflasa uğrayacaq. Xalq və İlham Əliyev birliyinin gücü qarşısında tarixin zibilliyinə yuvarlanacaqdır”, - o qeyd edib.

Deputat əlavə edib ki, xalqımız 7 fevral seçkilərində mütəşəkkil qaydada iştirak edib, həmrəyliyini nümayiş etdiməklə  Azərbaycanın qələbəsini həzm edə bilməyib, ölkəmizə qarşı təxibatlar törədən qüvvələrin də layiqli dərsini vermis olacaq.

“Qalib xalq qalib Prezidentini dəstəkləyin, onun yanında dayanmaqla  regionda tam müstəqil bir ölkənin olmasını və Azərbaycanın qələbəsini həzm edə bilməyən dövlətlərin təxribatlarına layiqli dərsini vermis olacaq. Nəticədə bu seçkilər ölkəmizin  siyasi sistemin gücləndirilməsinə öz müsbət töhfəsini vermis olacaq”.

Əkbər