“Cari ilin sentyabr ayında keçirilmiş lokal xarakterli antiterror tədbirləri zamanı yalnız silahlı separatçı qüvvələr hədəf alınıb və Qarabağın erməni əhalisinin hüquq və təhlükəsizliyinə təminat verilməklə, onların Azərbaycan cəmiyyətinə reinteqrasiyası istiqamətində bütün zəruri addımlar atılıb”.
Ednews xəbər verir ki, bunu Azərbaycanın xarici işlər nazirinin müavini Elnur Məmmədov Kolumbiyaya işgüzar səfəri çərçivəsində bu ölkənin aparıcı xəbər telekanalı, bütün Amerika qitəsi üzrə fəaliyyət göstərən “NTN24”ə geniş müsahibəsi zamanı deyib.
Müsahibə zamanı Azərbaycanın sülh gündəliyi, Azərbaycan-Ermənistan münasibətlərinin normallaşma prosesi, yekun sülh müqaviləsi üzrə danışıqlar və əldə olunan irəliləyişlər barədə geniş məlumat verilib.