Türkiyənin keçmiş milli müdafiə naziri, Türkiyə Böyük Millət Məclisinin (TBMM) müdafiə komitəsinin sədri Hulusi Akar Şəhidlər xiyabanını ziyarət zamanı jurnalistlərə açıqlamasında deyib ki, bəziləri Ermənistanı proksi dövlətə çevirmək istəyir: “Əgər Ermənistan bu səhv yola girərsə, İkinci Qarabağ müharibəsində olduğu kimi, yenə ağır nəticə ilə üzləşəcək. Buna imkan verməmək lazımdır. Bizim üçün vacib olan sülh, sabitlik və Qafqazın gələcəyidir”.
Mövzu ilə bağlı türkiyəli politoloq Hasan Oktay Ednews-a açıqlamasında bildirdi ki, Hulusi Akar Ermənistan məsələsinə münasibət bildirərkən bəzi mətləblərə toxunub:
“İlk növbədə, 44 gün ərzində işğal altında olan 7 rayonun azad edilməsi uğrunda gedən müharibə beynəlxalq hüququn aliliyi əsasında qiymətləndirilməlidir. Azərbaycan bölgəni işğaldan azad etdikdən sonra bu müharibəyə səbəb olan Qarabağ məsələsində iki il gözləməli oldu. Daha sonra Ermənistanın baş naziri Nikol Paşinyan Qarabağ məsələsinin Azərbaycan və Rusiya arasında problem olduğunu deyəndə, Putin bu bəyanatla strategiyasını dəyişdi. Azərbaycan bütün torpaqlarında konstitusiya hüququnun hakim olması üçün hərəkətə keçəndə, qondarma Dağlıq Qarabağ rəhbərliyi döyüşsüz təslim oldu və Azərbaycan növbəti dövrə ciddi qədəm qoydu. Onlar üçün problem yaradacaq bir neçə gün ərzində postmodern mübarizəyə cəhd etdilər. AŞPA-nın Azərbaycanla bağlı qəbul etdiyi qərarlar bu POS modern savaşının davamıdır. Sonrakı dövrdə Avropanın, xüsusilə Fransanın, İranın, Hindistanın, hətta Amerikanın Ermənistana verdiyi dəstək 7 rayonun işğalı və Dağlıq Qarabağ prosesi ilə bağlı eyni formatda müharibə aparmağa imkan vermir. Ermənistan məsələsinə baxarkən türklər daha bütöv və geniş prizmadan baxmalı və beynəlxalq sistemin bölgədə yaratdığı problemi həll etmək üçün öz aralarında arqumentlər hazırlamalıdırlar. Bu, qətiyyən müharibə deyil, çünki bütün müharibələr sülh üçün aparılır və diplomatlar sülh qururlar. Növbəti proses Hulusi Akarın dediyi kimi, müharibə olmamalı, Türkiyə, Ermənistan və Azərbaycan arasında üçtərəfli sülh yolu ilə bölgə normallaşdırılmalıdır”.
Politoloq qeyd etdi ki, Türkiyəni ilk növbədə Cənubi Qafqaz məsələsi maraqlandırsa da, burd informasiya yetərsizliyi var:
"Bunu Hulusi Akarın açıqlamalarında da görə bilərik. Problemi araşdırarkən ilk növbədə keçmiş tarixi çox yaşı bilmək lazımdır, daha sonra onun regional təsirlərinə və dünya geosiyasətindəki yerinə və bu çərçivədə hansı həll yollarının tapıla biləcəyinə baxmaq lazımdır. Əgər kimsə Ukrayna böhranında olduğu kimi Azərbaycanla Ermənistan arasında müharibəyə başlamaqla regionun geosiyasətinə nəzarət etmək istəyirsə, bundan alət kimi istifadə edilməməlidir, çünki hazırda türk dünyası daha güclü və daha çəkindirici mövqedədir".
Oğuz
