Bu gün ATƏT-in belnəyxalq müşahidəçi qrupunun mediaya çıxış edib və jurnalistlərin suallarını cavablandırıb. Bir saat ərzində davam edən konfransa Katya Andrusz rəhbərlik edib.
Konfransda ATƏT-in qısa müddətli müşahidəçilərin xüsusi koordinatoru Artur Qerasimov, ATƏT-in müşahidəçi nümayəndə heyətinin sədri, Almaniya Bundestaqının üzvü Daniyella De Rider və ATƏT-in Demokratik Təsisatlar və İnsan
Hüquqları Bürosunun sədri Oyqan Mörfi iştirak edib.
2024-cü il Azərbaycanda keçirilən növbədənkənar prezident seçkilərində müşahidəçi qismində iştirak edən ATƏT üzvləri çıxışları zamanı ilk növbədə Azərbaycan Respubikası tərəfindən göndərilən dəvətə görə təşəkkür ediblər. Beynəlxalq müşahidəçilər həm də yerli məntəqə üvzlərinin qonaqpərvərliyini qiymətləndirdiklərini bildiriblər.
İlk çıxış edən Artur Qerasimov seçki zamanı səs verənlərin sayının gözləniləndən çox olduğunu bildirib:
“Bu Azərbaycan üçün tarixi andır, çünki ilk dəfə bütün ölkə ərazisindən insanlar öz demokratik səsvermə hüququndan istifadə edib.
Seçki ərəfəsində bütün ölkə ərazisində beynəlxalq müşahidəçilərin yüksək səviyyəli qonaqpərvərliklə qarşılandıq. Məntəqələrdə adminstrasiya peşəkarcasına aktivlik göstərib”.
ATƏT-in müşahidəçi nümayəndə heyətinin sədri Daniyella De Rider səsvermə prosesini yaxından izləmək imkanı olduğunu vurğuladı:
“İnsanlar səs vermək üçün çox həvəsli idilər. Məntəqələrdə xeyli sayda seçici və kifayət qədər müşahidəçi olub. Aktivlik barəsində heç bir şübhə ola bilməz. Seçkinin nəticəsi haqqında isə onu deyə bilərəm ki, nümayəndələr arasında alternativ yox idi. Digər nümayəndələr çox az səs topladılar və buna görə də rəqabət mövcud olmayıb.
Prezident nümayəndələri arasında bir qadın nümayəndə belə yox idi. Bu qadınları siyasi arenada təmsil olunma səviyyəsi haqqında xeyli məlumat verir. Buna baxmayaraq, yerli müşahidəçilərin və seçki məntəqələ üzvlərinin bir çoxu qadın idi”.
Oyqan Mörfi, ATƏT-in Demokratik Təsisatlar və İnsan Hüquqları Bürosunun sədri məntəqə işçilərinə və Azərbaycanın Xarici İşlər Nazirliyinə təşəkkür edərək çıxışına başlayıb. O, çıxışı zamanı, seçkidən öncə bəzi jurnalistlərin və müxalifət partiyaların üzvlərinin həbs edilməsindən bəhs edib:
“Ümumilikdə məntəqə işçiləri peşəkarcasına fəaliyyət göstərdi və müşahidəçilərin hər məntəqədə aktivlik göstərməsi bizim diqqətimizi çəkdi. Ölkə üzrə ümumi 330 nəfər müşahidəçimiz fəaliyyət göstərib. Bütün üzvlərimiz məntəqələrdə seçici sayının çoxluğundan bəhs edir.
Seçkidən öncə bir çox jurnalistlərin həbs edilməsi təbii ki, diqqət mərkəzində olub. Bununla yanaşı, prezident seçkiləri zamanı bir çox xətalarla qarşılaşdıq. Səsvermə zamanı və bülletenlər sayılarkən dəfələrlə texniki səhvlər oldu. Olduğumuz bəzi yerlərdə məntəqə üzvləri yerli müşahidəçilərə maneələr törədirdi. Seçki məntəqələrində bəzən qeyri-şəffaflıqla da qarşılaşdıq. Bizə bəzi məntəqələrdə dolğun məlumatlar verilmirdi”.
Mətbuat nümayəndələrinin ATƏT üzvlərinə ünvanladığı suallardan biri bu olub:
“Siz demək olar ki, bütün regionların seçki məntəqələrində müşahidəçilik fəaliyyəti göstərmisiniz. Məntəqələrdə hər hansı təzyiqlə qarşılaşdınız?”
Sualı cavablayan Oyqan Mörfi müşahidəçilərin heç bir təzyiqlə qarşılaşmadığını açıqladı:
“Biz müşahidəçilik etmək üçün dövlət tərəfində dəvət edilirik. Lakin, fəaliyyətimiz zamanı dövlətlə məsləhətləşmirik. Bizim öz metodlarımız və təcrübəli nümayəndələrimiz var. Buna görə də, demək olar ki, biz təzyiqə məruz qalmırıq. Bütün mənqətələrdə xoş qarşılandıq və fəaliyyətimiz üçün heç bir maneə yaradılmadı”.
Fərid