Azərbaycanın Zəngəzur dəhlizi ilə bağlı mövqeyi bəllidir. Amma Ermənistan tərəfi dəhlizin gömrük, sərhəd yoxlanışları fonunda açılmasının mümkünlüyünü qeyd edir. Bu halda dəhliz anlayışı sözsüz ki, öz mahiyyətini itirir.
Siyasi analitik Zərdüşt Əlizadə düşünür ki, Ermənistan 10 noyabr üçtərəfli bəyanatda Zəngəzurdan keçən yolun hüquqi statusu barədə üzərinə düşən heç bir öhdəliyi götürmür. O, bu barədə Ednews-a danışarkən deyib.
“Sovet vaxtı vahid bir dövlət idik. Tatarlar, sərnişinlər sərhəddən yoxlamasız keçirdilər. Gürcüstan Azərbaycanın strateji tərəfdaşıdır. Gürcüstanla çox gözəl münasibətlərimiz var. Əvvəl sərhəddə 2 saat vaxt itirirdik, yoxlamalar uzun çəkirdi. İndi də Azərbaycan öz ərazisindən keçmək istəyir. Ermənistan üçtərəfli bəyannamədə dövlət kimi öz suveren hüquqlarından imtina barədə heç bir öhdəlik götürməyib. Ona görə dəhliz çəkiləndə Ermənistan onun girişində və çıxışında özünün sərhəd-buraxılış məntəqəsini qurmaq istəyir. Necə ki, Azərbaycan Laçın yolunda sərhəd-buraxılış məntəqəsi qurdu, Ermənistan da öz ərazisində bunu etmək istəyir. Meğri yolunun tikintisi bir-iki ilə başa çatdıqdan sonra Azərbaycandan Naxçıvana gedəcək yüklərin və sərnişinlərin keçmə rejimi də razılaşdırıla bilər. Bununla bağlı dünyada müxtəlif ölçülü rejimlər, qaydalar var. Mələsən, Rusiyadan Kalininqrada gedən yüklərin və sərnişinlərin keçmə rejimini Zəngəzurda da tətbiq etmək olar”.
Oğuz