Paşinyanın anti-Rusiya ritorikasına rəsmi Moskvanın susqunluğu nə ilə bağlıdır? Kremlin İrəvanın ərköyünlüyünə təmkinlə yanaşmasına səbəb nədir?
Bu barədə Ednews-a politoloq Elşən Manafov bildirdi ki, Moskva gözəl başa düşür Paşinyanin eskalasiyanın gücləndirilməsi istiqamətində atdığı addımlar Qərbdə bəlli dairələrin sifarişi ilə edilir:
"Bu bütövlükdə erməni cəmiyyətinin sosial sifarişi deyil, Paşinyana seçkilərdə olan dəstək onun korrupsiyaya qarşı mübarizə aparacağı ampluasında baş tutmuşdu. Rusiyanın Paşinyan iqtidarına qarşı qəbul edəcəyi hər hansı qərar rejimin və Qərbin nəzarəti altında olan media vasitəsilə erməni cəmiyyətində antirusiya ovqatının daha da gücləndirilməsinə növbəti stimul verəcəyindən rəsmi Moskva Qərbin bütün təxribatlarına rəğmən özünü təmkinki aparır. Beynəlxalq hüququn müəyyən etdiyi qaydalardan kənarda oyun qurmur. Zira Paşinyanlar gəldi gedərdir, Rusiyanın regiondakı geosiyasi maraqları isə əksinə əbədidir. Bu maraqlar regionda sabitliyin qorunub saxlanılmasını ehtiva edir. Regionun geosiyasi konfiqurasiyasının dəyişdirilməsində maraqlı olan Qərb isə, əksinə, bölgədə satellit kimi yanaşdığı Paşinyan rejimi vasitəsilə qüvvələr nisbətini xeyrinə dəyişmək, Rusiyanin regionda nüfuz dairəsini daraltmaq, perspektivdə isə, hətta bölgədən sıxışdırıb çıxartmaq istəyir. Moskva əlbəttə münasib bildiyi vaxtda özünün Ermənistanda olan həyati maraqlarını qorumaq üçün daha fərqli addımlar atmaq hüququnu özündə saxlayır və bütün hallarda onlar legetim, beynəlxalq qanunvericiliyə müvafiq addımlar olacaq".
Oğuz