“Hraparak” qəzeti yazır ki, Türkiyə Ermənistana Zəngəzura xüsusi statusun verilməsini təklif edib. Təhlildə deyilir ki, məsələ Antalya Diplomatiya Forumunda Türkiyənin Ermənistan üzrə xüsusi nümayəndəsi Sərdar Kılıç tərəfindən də gündəmə gətirilib. Mənbəyə görə, Ankara Zəngəzura Kalininqrad modelinə bənzər statusun verilməsində israr edir.
Mövzu ilə bağlı Ednews-a açıqlamasında politoloq Tural İsmayılov bildirdi ki, Zəngəzur dəhlizini zorla açmaq niyyətində deyilik. Baxmayaraq ki, Ermənistan Azərbaycanı Zəngəzur dəhlizi ilə bağlı hərbi aqresivlik və hərbi ritorika göstərməyə çalışmaqda ittiham etməyə davam edir.
Onun sözlərinə görə, Zəngəzur dəhlizinin açılmasının reallaşmağı ilə bağlı artıq ortada konkret, əməli işlər var. Tehranda "3+3" formatlı Xarici İşlər Nazirlərinin görüşündə də İran ərazisindən Azərbaycanın Naxçıvana quru yolunun formalaşdırılması məsələsi müzakirə edilib:
"Azərbaycanla İran tərəfindən artıq bu məsələ ilə bağlı əməli addımlara start verilibdir. Zərgəzur dəhlizinin alternativi kimi bu lahiyə işləkdir. Ancaq digər tərəfdən Ermənistan təəssüflər olsun ki, 10 noyabr bəyanatını yerinə yetirmədi. Hələki Zəngəzur dəhlizi ilə bağlı məsələni bloklamağa davam edir və əlbəttə ki, belə olan təqdirdə Ermənistanın özəlliklə qərbdəki havadarlarının təxribatları vasitəsilə Zəngəzur dəhlizinə əngəl törətməyi həmçinin Zəngəzur dəhlizində rus vespesinin təhlükəsizliyini təmin etmək ehtimallarını da sıfırlamağı bu lahiyənin Ermənistan tərəfindən ciddi şəkildə sabotaja uğradılmasına yönəlibdir. Hər halda Azərbaycan Mehri üzərindən Naxçıvana quru keçidlə bağlı öz ritorikasını və siyasətini davam etdirəcək. Amma biz hansısa güc yolu ilə yaxud digər vasitələrdən istifadə edərək Zəngəzur dəhlizini zorla açmaq niyyətində deyilk. Baxmayaraq ki, Ermənistan Azərbaycanı Zəngəzur dəhlizi ilə bağlı hərbi aqresivlik və hərbi ritorika göstərməyə çalışmaqda ittiham etməyə davam edir. Ancaq istənilən halda hesab edirəm ki, Azərbaycanın bu məsələ mövqeyi sabitdir. Sülh şəraitində, barış şəraitində, iki ölkənin anlaşması şəraitində bu dəhlizin açılmağını istəyirik. Ancaq faktiki olaraq Ermənistanın və Ermənistanın qərbdəki havdarlarının indiki tormuzlayıcı mövqeyi yaxın zamanda dəhlizin açılma imkanılarını sual altına alıb. İstənilən halda Azərbaycan dayanmır. Və alternativ yolların üzərində ciddi şəkildə işlər gedir" - deyə vurğulayıb. "Eyni zamanda Ankara hansısa alternativ layihələr də təklif edə bilər. Türkiyənin mövqeyi də bölgənin inkişafına yönəlibdir".
Oğuz