"Stoltenberqin Cənubi Qafqaza səfəri, NATO - nun təlaşda olduğunu göstəricisidir".
Bu fikirləri irlandiyalı siyasi ekspert Petrik Uolş, NATO baş katibi Yens Stoltenberqin regiona səfərini Ednews - a şərh edərkən söyləyib. Onun fikirlərinə görə hazırda bu səfər hər zaman olduğu kimi Rusiyaya qarşı güc göstərmək məqsədi daşıyır.
"NATO artıq 30 ildir ki, şərqə doğru davamlı genişlənmə kampaniyasını həyata keçirir. Baxmayaraq ki, SSRİ mövcudluğu 1991-ci ildən bəri sonlandırıb. Rusiya NATO-nun öz sərhədlərinə qədər genişlənməsini təhlükə kimi qiymətləndirir və 2008-ci ildə Gürcüstanın buraya üzv olmaq ehtimalına qarşı 2 müharibə həyata keçirib. Bugün də Ukraynaya genişlənməsinin qarşısını almaq üçün eyni fəaliyyəti yerinə yetirir. Rusiya döyüşmək istəyəndə NATO geri çəkildi və Rusiyanın sərhədlərində NATO-ya üzvlüyün təhlükəli oyun olduğuna dair açıq mesaj verildi. Qeyd edək ki, Kiyev bütün Qərb dünyası tərəfindən dəstəklənsə də, Rusiyanı məğlub etməkdə aciz görünür və bir dövlət kimi darmadağın edilib. Onun bu anlayışı dərk etməsi ona baha başa gəldi. Azərbaycan qoşulmama hərakatının üzvüdür və bir çox digər neytral dövlətlər kimi NATO ilə məhdud əlaqələrə malikdir. Onun hazırkı statusu ona, Gürcüstan və Ermənistandan fərqli olaraq, Rusiya və Qərb arasında səmərəli dövlət idarəçiliyi tətbiq etməyə imkan verib. Bu mövqeyi dəyişdirməsi üçün həqiqətən sağlam bir səbəb yoxdur. Hazırda Stoltenberqin NATO sərhədlərindən çıxması və Cənubi Qafqaza gəlməsinə səbəb, ABŞ – ın namizəd prezidenti Donald Trampın Alyansı dəstəkləməyəcəyi, oradan çıxacağı ilə bağlı fikirlər səsləndirməsidir. Bu da nəticə etibarilə artıq Avropada panika ilə nəticələnib. Gələn il dünyanın hansı vəziyyətdə olacağı hamımıza maraqlıdır. Artıq Qərbdə deyirlər ki, Kiyev dəstəklənməzsə, Ukraynada baş verənlər Qərb üçün böyük hərbi, siyasi və mənəvi məğlubiyyət olacaq. Bəs o zaman NATO nə dərəcədə populyar olacaq, onu isə artıq zaman göstərəcək".
Əkbər Novruz