“Bu cür açıqlamalar, hesab edirəm ki, İranı növbəti dəfə ifşa edir, çünki durub-durub Azərbaycan ərazisinə zərbə endirmək tələbi və yaxud da təklif etmək axmaqlıqdır”.

Bu sözləri Ednews-a açıqlamasında deputat Fazil Mustafa, İran deputatı Cəlal Rəşidinin İsrailin Azərbaycandakı səfirliyinə hücum edilməsi planını şərh edərkən söyləyib.

“Düşünürəm axmaq bir İran deputatının açıqlamasını ciddiyə almaq lazım deyil. Çünki Azərbaycan ərazisinə hər hansı bir ölkənin müdaxiləsi həmin ölkə üçün müəyyən problemlər yarada bilər. Azərbaycanın kifayət qədər ciddi müttəfiqləri var. Hər hansı bir şəkildə Azərbaycana qarşı bu cür çağırışlar, ümumiyyətlə, yolverilməzdir. Təbii ki, bu açıqlamalar vaxtaşırı olur və bu həm də mənasız, əlacsız qüvvənin yanaşmasıdır. Ona görə ki, bu kimi məsələlərdə, iran özü əlacsız bir vəziyyətdə olduğuna görə belə bir addımlar atır. Zərbə vura bilirsən, İsrailə vur da. Qorxudan orda boş-boş danışıb guya İsraillə hansısa bir qisas əməliyyatı həyata keçirəcək, amma qorxudan öz qınından çıxa bilmirlər və ancaq zəif, məzlum saydıqları ölkələrə qarşı hansısa bir hədələr yağdırırlar. Ona görə də bu cür açıqlamalar, hesab edirəm ki, İranı növbəti dəfə ifşa edir, çünki durub-durub da Azərbaycan ərazisinə zərbə endirmək tələb və yaxud da təklif etmək axmaqlıqdır”.

Əkbər Novruz