Cənubi Qafqazın gələcək geosiyasi arxitekturası necə şəkillənəcək? Bir tərəfdə Azərbaycan-Türkiyə-Rusiya üçbucağı, digər yanda yeni formalaşan ABŞ-Avropa Birliyi-Ermənistan formatı: belə olacaq? Qərbin yerləşməsinə regional dövlətlərin təpkisi necə olacaq, özünə yer etməsinə imkan veriləcəkmi?
Bu barədə Ednews-a açıqlamasında politoloq Fikrət Sadıqov bildirdi ki, Cənubi Qafqazın geosiyasi arxitekturası indi də bəllidir. Azərbaycan-Türkiyə-Rusiya hal-hazırda müəyyən bir aliyans olmasa da hər halda eyni mövqedən çıxış edən ölkələrdir:
"Türkiyə Azərbaycan münasibətləri əbədi olaraq qalacaq. Müttəfiqlik, partnyorluq, qardaşlıq... Rusiya isə indiki mərhələdə bizim maraqlarımıza cavab verir. Azərbaycanın Ermənistana qarşı münasibəti eynidir. Digər tərəfdən Gürcüstan Aİ-yə namizəd kimi artıq seçilib. Amma nəyin hesabına? Rusiya ilə münasibətlərin qırılması, Abxaziya və Cənubi Osetiya məsələlərinə görə. O ki qaldı Ermənistana, onun vəziyyəti daha mürəkkəbdir. Bir tərəfdən qərb ölkələri, digər tərəfdən isə Rusiya ona təzyiq göstərir. Hesab edirəm ki, Ermənistanın gələcək vəziyyəti daha acınacaqlı olacaq. Çünki onlar belə bir şəraitdə sadəcə olaraq uzun müddət tap gətirnəyə bilər. Ermənistan hakimiyyəti çox güman bu məsələyə görə gələcəkdə istefa versin. Bunu istisna etmək olmaz".
Oğuz