“Fransa prezidenti Makronun Bakı səfirini Azərbaycanla böhranı müzakirə etmək üçün çağırması əslində Fransanın regional sülhə xələl gətirmək üçün diplomatik təşviqatıdır”.
Bu sözləri Ednews-a özəl açıqlamasında prof. Dr. Selin Şenocak söyləyib. Onun fikirlərinə görə, hazırda Fransa müharibəni gərginləşdirmək kontekstindən bütün addımları atır:
“Xüsusilə, aprelin 5-də Ermənistan prezidenti Nikol Paşinyan Brüsseldə ABŞ dövlət katibi Antoni Blinken və Aİ Komissiyası və Şurasının prezidentləri ilə görüşüb və onlardan dəstək alıb. Biz aydın şəkildə görürük ki, Azərbaycanı istisna edən bu Cənubi Qafqazda sülhə xidmət etməkdənsə, geosiyasi münaqişə zonasına çevrilməsinə yol açacaq bir təşəbbüsdür. Afrikada bütün effektivliyini itirən və müdafiə sənayesi iflasa uğrayan Fransa, silahlarını satmaq üçün yeni bazarlar axtarır və bu da ancaq müharibəni qızışdırmaqla mümkün ola bilər. 2023-cü ilin oktyabrında Fransa Ermənistana 250 km mənzilli üç Thales Ground Master (GM 200) radarları, həmçinin gecəgörmə cihazları və müdafiə sənayesi avadanlıqları satıb. 2024-cü ilin fevralında Ermənistan Fransadan yeni silahların alınmasına dair müqavilə imzalayıb”.
Professor hesab edir ki, prezident Makronun Bakının Parisdəki səfirini dəvət etməsi bu kontekstdə dəyərləndirilməlidir:
“Fransa Ermənistanla ticarətinin bədəlini ödəyir. Bu kontekstdə Azərbaycan bölgədən kənar qüvvələrin yeni müharibəyə zəmin hazırlamasına imkan vermədən Türkiyə və Rusiya kimi regional dövlətlərin dəstəyi ilə Azərbaycanın maraqlarına uyğun sülh danışıqlarını təcili yekunlaşdırmalıdır. Bu, praqmatik elementləri vurğulamaqla mümkün ola bilər. Bu, sülh prosesinin Azərbaycanın xeyrinə başa çatması şərti ilə Türkiyənin Ermənistanla iqtisadi normallaşma prosesinə üstünlük verməsini təmin etməklə və hər iki ölkənin mərkəzi olacağı regional iqtisadi inkişaf layihələrini təşviq etməklə mümkün ola bilər. Orta Dəhliz layihəsi regiona sülh gətirə biləcək ən konkret iqtisadi inkişaf layihəsi kimi qiymətləndirilməlidir”.
Əkbər Novruz
