Rusiya ordusunun sülhməramlıları Qarabağı tərk etməkdədir. vaxtından əvvəl regionu tərk edən rus qoşunları Rusiyanın regiondakı həqiqi maraqları haqqında müxtəlif fikirlər yaradıb. Rusiyanın öz ordusunu Qarabağdan çıxarmasının arxa planında nə daya bilər?
Məsələ ilə bağlı Ednews-a açıqlama verəm ukraynalı ekspert Aleksandr Merejko rus ordusunun regionu tərk etməsini Azərbaycan dövlətinin qələbəsi adlandırıb.
“Rusiya qoşunlarının Qarabağı tərk etməsi Azərbaycan və bütövlükdə regionun təhlükəsizliyi üçün yaxşı xəbərdir. Rus ordusunun regionu tərk etməsi Azərbaycanın təhlükəsizliyinin təmin edilməsi baxımından çox vacibdir.
Nəzərə almaq lazımdır ki, Rusiya qonşu dövlətləri özünə tabe etmək niyyətindədir. Rus qoşunlarının hər hansı bir bəhanə ilə ərazisində olduqları dövlətlər böyük təhlükə altındadır. Rusiya digər dövlətlərdəki təsirindən asanlıqla əl çəkmir və hər bir vasitə ilə təsirini saxlamağa çalışır".
Politoloq qeyd etdi ki, Azərbaycan rəhbərliyi bütün bunları çox gözəl anlayır. Rusiya qoşunlarının çıxarılması Azərbaycanın mühüm siyasi qələbəsidir və Prezident İlham Əliyevin müdrik strategiyasının nəticəsidir:
"İndi vacibdir ki, rus qoşunları Azərbaycan ərazisini tezliklə və həmişəlik tərk etsinlər. Yalnız bundan sonra Azərbaycan təhlükəsiz olacaq və Cənubi Qafqazda sabitlik möhkəmlənəcək”.
Xatırladaq ki, Rusiya sülhməramlı kontingenti 2020-ci il 10 noyabrda Azərbaycan, Rusiya və Ermənistan liderləri arasında imzalanmış üçtərəfli Bəyanatdan sonra Qarabağda müvəqqəti yerləşdirilmişdi.
Fərid