Qazaxıstan Prezidentinin İrəvana səfərində də sülh və dəhlizlə bağlı müzakirələr aparıldı. Bu istiqamətdə nə kimi irəliləyişin olması ehtimalı var?

Ednews xəbər verir ki, bu barədə politoloq Zərdüşt Əlizadə münasibət bildirib. Onun sözlərinə görə, Zəngəzur dəhlizi hamıya xeyri olan layihədir. Çin belə bu dəhlizlə mallarının bir hissəsini Avropaya daşıyacaq:

"Rusiya da bu işdə iştirak edir. Mərkəzi Asiya dövlətlərinə xeyri odur ki, onlar tranzit xərclərindən paylarını götürəcək. Cənubi Qafqaz dövlətləri, Türkiyə və Avropa üçün də Zəngəzur dəhlizi olduqca önəmlidir.

Ermənistana bu işdə Amerika böyük məsləhətlər verir. Çünki ABŞ Zəngəzur yolunun bu şərtlərdə açılmasını istəmir. Azərbaycana isə deyirlər ki, Naxçıvana yolu İrandan çəkmə!.. Yəni ABŞ istəmir ki, Çinin Avropaya quru yolu ilə çıxışı olsun. Vaşinqton Çinin ancaq dəniz yollarından istifadə etməsini istəyir. Dəniz yollarını isə istədiyi an Amerika kəsə bilər. Ona görə də, bu, Çin üzərində oynanılan, onun boyuna atılmış bir kəmənddir. Açıq şəkildə Çinə qarşı təzyiq vasitəsidir".

Oğuz