"Bakı Təl-Əviv və Ankara arasında potensial vasitəçidir".

Ednews - un məlumatına görə İranın "Təsnim" xəbər agentliyi yazır ki, ivrit dilində çıxan iqtisadi “Globes” qəzeti Ankara ilə Təl-Əviv arasında gərginliyin azaldılması üçün Azərbaycanın ən mühüm namizəd hesab edildiyini açıqlayıb.

Qəzet bununla bağlı bildirib: “Bu gün Türkiyənin İsrailə ixracına tətbiq etdiyi məhdudiyyətləri azaltmaq üçün Tel-Əviv gözünü Azərbaycana dikib”.

Hesabatın müəllifi Din Samuel Elmes deyir: “Həm Netanyahuya, həm də Ərdoğana yaxın olan prezidentin varlığı sayəsində Azərbaycanın İsraillə Türkiyə arasında gərginliyin azaldılmasında rol oynaması mümkündür”.

Müəllif iki tərəf arasında münasibətlərin enişli-yoxuşlu tarixinə işarə edərkən, bu böhranın həllinin Bakıdan gələcəyinə inanır. Sülh prosesinin Bakıdan gəlməsi qeyri-mümkün deyil, Azərbaycan Prezidenti İlham Əliyev dünyada nadir şəxsiyyətlərdən biridir – həm İsrailin baş naziri Binyamin Netanyahu, həm də Türkiyə prezidenti Rəcəb Tayyib Ərdoğanla xüsusi yaxınlığı olan başqa bir şəxs varsa - İsrail Bakıdan əsas neft alıcısıdır, Azərbaycan nefti Bakı-Tiflis- Ceyhan neft kəməri ilə Türkiyənin sahil limanına göndərilir və oradan neft tankerlərinə Hayfaya doğru yüklənir.

Bununla əlaqədar, Türkiyə tərəfindən ixrac marşrutunun bağlanması ehtimalı mümkün ssenarilərdən biridir, lakin çox güman ki, həyata keçirilməyəcək. Bu, Türkiyə-İsrail münasibətlərinə görə deyil, Türkiyə-Azərbaycan əlaqələrinə görədir. 

Ankara ilə Bakı arasındakı münasibətlər “Bir millət, iki dövlət” ideyasına əsaslanır, ona görə də Ərdoğanın ən son istədiyi şey yaxın dostu Əliyevin maraqlarına xələl gətirmək olacaq. Bundan çıxış edərək Bakının Türkiyə-İsrail münasibətlərinə diplomatik təsir gücünü hesab etmək olar. Türkiyə ilə İsrail arasındakı əvvəlki böhranda da Azərbaycan tərəflər arasında vasitəçilik edən vacib amil idi və bu gün də belə işləri görmək gücündədir”.

Əkbər Novruz