Türkiyənin Baş Qərargah rəisi, general Metin Gürak Misirin Baş Qərargah rəisi general-leytenant Usamə Əskəri rəsmi mərasimlə qəbul edib. İki ölkənin Baş Qərargah rəisləri ikitərəfli müzakirələr edib, daha sonra isə ölkələrin nümayəndə heyətlərinin iştirak etdiyi geniş tərkibdə iclas keçirilib. Keçirilən müzakirələrdə Türkiyə ilə Misir arasında hərbi və müdafiə sənayesi sahəsində əməkdaşlıq müzakirə olunub.
Məsələ ilə bağlı strateji məsələr üzrə ekspert, general-mayor Vael Rabie Ednews-a özəl açıqlama verərək bildirib ki, Misir Baş Qərargah rəisinin Türkiyəyə səfəri 2013-cü ildən bəri ilk səfəridir.
Ekspert verdiyi açıqlamada bu səfərin əsas məqsədlərinə toxunub:
“Şübhəsiz ki, bu səfərin bir çox məqsədləri var, o cümlədən Misir Baş Qərargah Rəisi Türkiyə Müdafiə Naziri ilə birgə Türkiyə Müdafiə Sənayesi İdarəsinin rəhbəri ilə müzakirələr aparmaq, hərbi əməkdaşlıq və sənayeləşmənin müxtəlif sahələrində əməkdaşlığı genişləndirmək, türk şirkətlərini də ziyarət etmək, o cümlədən Türk Aerokosmik Sənayesi Şirkəti (TAI) və orada olan bir sıra hərbi bazaya və Türkiyənin hərbi təyyarələrini müşahidə etməkdir”.
Ekspert həmçinin Qəzza zolağında gedən müharibəyə də münasibət bildirib:
“Hər iki ölkə Qəzza zolağında hərbi vəziyyətlə bağlı müzakirələr etməlidir. Digər tərəfdən bu müharibə Misirin təhlükəsizliyinə ciddi təsir göstərə bilər, iki səbəbə görə birincisi, bu, Misir və İsrail sərhəddində "İsrail" ordusunun sayı artmasına və silahlandırılmasına səbəb olacaq. Bu da Misir və İsrail arasında imzalanan Kemp Devid razılaşmalarına xələl gətirir. İkincisi, Salahəddin dəhlizi (Filadelfiya) İsrail tərəfindən yenidən işğal olmasına səbəb ola bilər. Ona görə Qəzzada müharibə dayanmalı və daimi atəşkəs olmalı humanitar yardımın daxil olmasına icazə verilməlidir”.
Loğman Yunis