Azərbaycan Müdafiə Nazirliyinin nümayəndələri NATO-nun Sülh Naminə Tərəfdaşlıq proqramı çərçivəsində Brunsum şəhərindəki Müttəfiq Birləşmiş Qüvvələr Komandanlığında (JFCBS) ekspert-qərargah görüşü keçirib.
Ednews xəbər verir ki, bu barədə JFCBS-in “X” sosial şəbəkəsindəki rəsmi səhifəsində deyilir.
“Azərbaycan Müdafiə Nazirliyinin Beynəlxalq Əməkdaşlıq İdarəsinin nümayəndələri son illərdə hərbi əməkdaşlığın praktiki aspektlərini qiymətləndirmək və gələcək üçün planları müəyyən etmək üçün JFCBS, Avropadakı Müttəfiq Qüvvələrin Ali Komandanlığı və NATO-nun Beynəlxalq Hərbi Qərargahından olan həmkarları ilə görüşüblər.
Bu cür tərəfdaşlıqlar NATO-nun fəaliyyəti üçün çox vacibdir və iki tərəfdaş arasında dialoq və hərbi əməkdaşlıq davam etdiriləcək”, - bəyanatda deyilir.
Fərid
