“İranla-İsrail arasında indiki mərhələdə hərbi əməliyyatlar olsa belə genişmiqyaslı olmayacaq. Çünki iki ölkə coğrafi məkanda fərqlənirlər və həmsərhəd deyillər. Hərbi aviasiya ya da raketləri bir-birlərinə atmaları mümükün ola bilər”.

Bu fikirləri Ednews-a açıqlamasında sabiq xarici işlər naziri, politoloq Tofiq Zülfüqarov son günlər davam edən İran-İsrail gərginliyi haqda danışarkən deyib. Onun sözlərinə görə, qərb ümidlidir ki, İran Prezidenti Məsud Pezeşkian dəyişikliklərə meyillidir. Bu baxımdan qərbin, ələxsus da ABŞ hərbi əməliyyatların alovlanmasını istəmir:

“Eyni zamanda belə gözləntilər var ki, Pezeşkian bir çox hallarda qərblə danışıqların tərəfdarıdır. Digər tərəfdən isə İsrailin baş naziri Benyamin Netanyahu hökuməti hərbi əməlliyyatların tərəfdarıdır. Onlar hesab edirlər ki, hələlik İran tam şəkildə güclənməyib və ona imkan verməmək üçün hərbi əməlliyyatlar apramaq və onları darmadağın etmək niyyətindədirlər”.

T.Zülfüqarov hesab edir ki, hərb yolu ilə İranı ya da İsraili məğlub etmək mümkün deyil: 

“Hərbi qarşıdurmanın olması, daxili siyasi baxımından bir çox qüvvələrin marağındadır. Pezeşkianın hökumət daxilində rəqibləri var. Onlar fikirləşirlər ki, Pezeşkian Adminstrasiyasını tənqid etsələr, daxili siyasətdə hansısa divedentlər qazana bilərlər. Hələlik proseslər inkişafdadır və əminəm ki, hərbi əməliyyatlar olsa belə genişmiqyaslı olmayacaq”.

Sabiq xarici işlər naziri Azərbaycanın mövqeyi ilə bağlı da fikirlərini bildirdi: 

“Bəzi kənar qüvvələr maraqdadırlar ki, Azərbaycanla İranı toqquşdursunlar. Bu baxımdan guya Azərbaycan bu məsələdə hansısa şəkildə təxribat yaradıb, radikal qüvələrə imkan yaradacaq kimi ehtimallar mövcuddur. Bunlar isə heç bir halda həqiqətə uyğun deyil. Qərb mənbələrində bu cür xəbərlər, şayələr tirajlanır. İnanmıram ki, bu cür təxribat dolu informasiyalara İran inana. İran da yaxşı başa düşür ki, Azərbaycanın belə bir məqsədi, iddiası yoxdur. Əminəm ki, bu çirkin oyunlara Azərbaycanı daxil etmələri mümkün olmayacaq”.

Oğuz