“İstanbulda aparılan rüşvət, korrupsiya və terrorla bağlı araşdırmaları diqqətlə izləyirik. İstintaq irəlilədikcə, bu cinayətkar şəbəkənin bələdiyyələrə nə dərəcədə nüfuz etdiyi və onların hansı miqyasda fəaliyyət göstərdiyi daha aydın görünəcək.”
EDnews xəbər verir ki, bu fikirləri Türkiyə Prezidenti Rəcəb Tayyib Ərdoğan səsləndirib.
O bildirib ki, Ramazan ayının son 10 günündə baş verən hadisələr və küçə zorakılığı əslində korrupsiya faktlarını ört-basdır etmək üçün atılan bir addımdır.
“Məhkəmə heyəti üzvlərimizə, onların ailələrinə və övladlarına təzyiq göstərmək cəhdləri indiyə qədər uğursuz olub. Xalqımız bu tələni gördü və təxribatlara aldanmadı. Bu münasibətlə hüquq-mühafizə orqanlarımızın əməkdaşlarını sədaqət, səbir və soyuqqanlılıqla öz vəzifələrini yerinə yetirdikləri üçün bir daha təbrik edirəm,” – deyə Türkiyə lideri vurğulayıb.
Şəms Qasımlı // EDnews
