Azərbaycan və İraq İKT sahəsində əməkdaşlığı müzakirə edib | Eurasia Diary - ednews.net

25 Sentyabr, Şənbə

Azərbaycan və İraq İKT sahəsində əməkdaşlığı müzakirə edib

Elm və texnologiya A- A A+

Nəqliyyat, rabitə və yüksək texnologiyalar naziri Rəşad Nəbiyev Azərbaycan və İraq arasında ticarət, iqtisadi, elmi, texniki və mədəni əməkdaşlıq üzrə Birgə Komissiyanın II iclasında iştirak etmək üçün ölkəmizdə səfərdə olan İraqın rabitə naziri Arkan Al-Şeybani ilə görüş keçirib.

EDNews.net xəbər verir ki, "Report"a daxil olan məlumata görə, görüşdə ölkələrimiz arasında iqtisadi münasibətlərə, o cümlədən İKT sahəsində əməkdaşlığa dair müzakirələr aparılıb.

Bu səfərin mövcud əlaqələrin daha da inkişaf etdirilməsinə öz töhfəsini verəcəyinə əminlik ifadə olunub.

Görüş zamanı rəqəmsal transformasiya və innovativ inkişafın Azərbaycan Hökumətinin gündəliyində duran prioritet məsələlərdən olduğu diqqətə çatdırılıb.

Sonda nazir R.Nəbiyev həmkarına beynəlxalq təşkilatlar, xüsusilə də İslam Əməkdaşlıq Təşkilatı çərçivəsində Ermənistanın Azərbaycana qarşı hərbi təcavüzünün aradan qaldırılması, işğal olunmuş ərazilərin azad edilməsi və məcburi köçkünlərin öz doğma torpaqlarına qayıtmasını tələb edən qətnamələrin qəbul edilməsində ölkəmizin mövqeyini dəstəklədiklərinə görə təşəkkürünü bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...