Payızda sağlam qidalanmaqla immunitetimizi gücləndirməyin və mövsümi xəstəliklərdən qorunmağın bir çox yolu var. Düzgün qidalanmayan insan bədənini tez-tez dəyişən temperatur şəraitinə uyğunlaşdıra bilmir. Beləliklə, immunitetin azalması ilə gələn uyğunlaşma problemi insanı bütün xəstəliklərə açıq edir. Metabolik sürətin aşağı düşməsinin qarşısını alaraq, özümüzü sürətli və balanssız çəki artımından da qoruya bilərik.
Payızda sağlam qidalanma planı necə olmalıdır?
Təkcə payızda deyil, ilin 365 günü özümüz üçün etməli olduğumuz ən vacib şey gün ərzində bol su içməkdir. Su maddələr mübadiləsinin təməl daşıdır. Gün ərzində bol su içmək maddələr mübadiləsini sürətləndirir, bədəndən zərərli maddələri çıxarır, qan dövranını sürətləndirir və təmizləyir.
Kifayət qədər qida yeyin - Nə çox az, nə də çox
Havanın istiliyinin azalması ilə orqanizm özünü qorumağa və daha az enerji sərf etməyə çalışır. Kafi və sağlam qidalanma pozulduqca maddələr mübadiləsinin sürətinin azalması səbəbindən sürətli çəki artımı başlayır. Həddindən artıq qidalanma kimi, az qidalanmanın da orqanizmə zərərli təsiri var. Yetərsiz qidalanma, lazımi fermentlərin ifrazını ləngidir immunitet sistemini sıxışdırır.
Uzun müddət ac qalmayın
Uzun müddət ac qalmaq orqanizmdə qan şəkəri balansının pozulmasına səbəb olur. Qan şəkərimiz düşəndə bədənin hərarəti də düşür. Payız aylarında qeyri-sabit hava dəyişiklikləri ilə yanaşı, balanssız bədən istiliyinin müşahidəsi bizi xəstəliklərə qarşı daha həssas edir. Həmçinin, uzun müddət ac qalmaq bizi enerjisiz edir.
Boşqabınızı sağlam qidalarla rəngbərəng edin
Rəngli boşqablar müxtəlif vitaminlər, minerallar və antioksidantlar deməkdir. Sağlam yemək boşqabınızda nə qədər çox olarsa, bədəninizə bir o qədər müxtəlif xəstəliklərdən qorunacaq.
Un və şəkərli qidalardan uzaq durun
Un məmulatları və şəkərli qidalar yemək bədəndə uqəfil qan şəkərinin dəyişməsinə səbəb olur. Bundan əlavə, Xərçəng Hüceyrələri kimi immunitetimizə hücum edən zərərli hüceyrələr şəkərlə qidalanır və böyüyür. Sağlam pəhriz boşqabımızda mümkün qədər sadə şəkərdən uzaq durmalıyıq.
Qızartmalardan çəkinin
Yediyimiz qidalar nə qədər əhəmiyyətlidirsə, onlardan maksimum fayda əldə etmək bir o qədər vacibdir. Sağlam bişirmə üsulları ilə yediyiniz yeməklərdən maksimum səmərə ala bilərsiniz. Kartof qızartması bizim əlavə yağ (sağlam olmayan yağ) qəbul etməyimizə səbəb ola bilər. Yandırılmış yağların bədənə daxil olmasına və kanserogen təsir göstərməsinə səbəb ola bilər. Qızartma yerinə soba, qril və qaynadılmış kimi bişirmə üsullarına üstünlük verin.
Pəhrizinizdən probiyotikləri əskik etməyin
Daimi həzm sistemi müntəzəm işləyən bağırsaqlardan keçir. Bağırsaqlar immunitet sistemini dəstəkləyən fermentlərin əmələ gəlməsində ən mühüm yerlərdən biridir. Probiyotiklər həzm sistemini tənzimləyir, daha sağlam bağırsaqlara və daha güclü immunitetə sahib olmağımıza imkan verir.
Tərəvəzləri yeməklərinizdə mümkün qədər çox istifadə edin
C vitamini və antioksidantlarda zəngi olan tərəvəzlər immunitet sistemimizin ən vacib tələbatlarındandır.Yemək qabınıza ispanaq, brokoli, turp və kərəviz kimi tərəvəzləri əlavə etməyi unutmayın. Çiy qəbul edə biləcəyiniz tərəvəzləri salat hazırlayaraq qarışdırın və vitamin, mineral, antioksidantların itirilməsinin qarşısını almaq üçün istehlak edin.
Payız meyvələrinə üstünlük verin
Qara üzüm, böyürtkən, qreypfrut və naringi kimi payız meyvələrini sağlam qidalanmanıza əlavə etməklə onların antioksidan təsirindən faydalana və immunitet sisteminizi C vitamini ilə zənginləşdirə bilərsiniz.
Omega-3-dən qidanı artırmalısınız
Yüksək omeqa 3 və antioksidan tərkibi olan balıqlar payızda süfrələrimizin əvəzolunmazı olur. Ov mövsümü ilə əlaqədar olaraq sardina və stavrida kimi növlərə üstünlük verilə bilər. Təzə göyərti ilə hazırlayacağınız salatla onu daha da ləziz və sağlam edə bilərsiniz.
C vitamini mütləqdir
C vitamini immunitet sistemi üçün ən vacib vitaminlərdən biridir. C vitamini istehlakınızı nə qədər çox artırsanız, bu dövrdə qrip və soyuqdəymə kimi epidemiyalardan və pandemiya prosesindən qorunma şansınız bir o qədər yüksək olar. Sitrus meyvələri, yaşıl bibər, cəfəri, şüyüd, brokoli və pomidor C vitamini ilə zəngindir. Diqqət etməli olduğumuz məqam odur ki, sağlam qidalanmada bu məhsullar uzun müddət bişirilirsə və ya bişdikdən sonra uzun müddət açıq saxlanılırsa, vitamin itkisi ola bilər.
Sinklə zəngin qidalar istehlak edilməlidir
Sağlam qidalanma zamanı fındıq, badam, qoz, fıstıq kimi sağlam yağları özündə ehtiva edən çərəzlərin istifadəsinə diqqət yetirilməlidir.
Tərcümə etdi: Nəzrin Beydiyeva