ABŞ-da 5 ən çox ziyarət edilən abidələr arasında illik 7 milyon 139 min 72 ziyarətçi ilə ilk sırada dayanan Vaşinqtonun mərkəzindəki Avraam Linkoln abidəsi barəsində təəssüf ki, bizim dildə demək olar ki, heç bir məlumat yoxdur. Hər halda mənim Google.com -da axtarışlarım heç bir nəticə vermədi. Qərara gəldim ki,burada ingilis dilindən tərcümə edərək dostlara maraqlı olacaq məlumatları qısa şəkildə çəkdiyim fotoların müşayəti ilə təqdim edim.Ondan başlayaq ki, Avraam Linkoln memorialı Vaşinqtonun əsas görməli məkanı olan Milli Xiyabanda yerləşir.Xiyaban isə paytaxtın tarixi mərkəzində müxtəlif abidə və muzeylər kompleksindən ibarətdir. Səmadan baxanda xiyaban mərkəzində Vaşinqton abidəsinin, şimalında Ağ Evin, şərqində Kapitolinin, cənubunda Tomas Cefferson memorialının, qərbində Avraam Linkoln memorialının yerləşdiyi xaça bənzəyir. Bu abidələr arasında parklar, muzeylər və ABŞ Nəbatat Bağı yerləşir. Biz qayıdaq hakimiyyəti illəri vətəndaş müharibəsinə təsadüf edən ABŞ-ın 16-cı prezidenti Avraam Linkolnun abidəsi və ya amerikalılar demiş memorialına. Bu abidə birliyi nümayiş etdirir. Abidənin parametri boyu 36 sütün qoyulub.Bu sütünlar Linkolnun dövründə ABŞ bayrağı altında birləşən ştatların sayını göstərir. Abidə 1922-ci ildə tikilib başa çatıb.Məhz həmin dövrdə artıq ştatların sayı 48 idi. Yeni qoşulan ştatların adı abidənin giriş hissəsinin ən üst qatında yazı şəklində daşın üzərində vurulub. Nəhayət ABŞ dövlətinə qoşulan son 2 ştat Alyaska və Havay adalarının adları isə Memoriala doğru gedən yolda dəmir lövhədə vurulub. Memorialın içərisində Linkoln oturaq halda, düşünən formada heykəli var.Heykəl məşhur memar Daniel Çester Frenç tərəfindən hazırlanıb və boyu az qala 6 metrə çatan, çəkisi isə 175 ton olan heykəl-Linkolnun nəzərləri birbaşa parkdakı Vaşinqtonun heykəlinə və Kapitoliy binasına istiqamətlənib. Abidənin ən üst hissəsində belə bir yazı var:-"Ölkənin vahidliyini mühafizə edən birisi kimi Avraam Linkolnun xatirəsi onu sevənlərin ürəyində olduğu kimi bu məbəddə də əbədi olaraq qorunacaq !" Bununla yanaşı məbəddə 2 böyük daş plitə var ki, onların birində Linkolnun inoqurasiya mərasimində etdiyi çıxış, digərində isə Qettisberqdə etdiyi tarixi çıxış oyularaq yazılıb. Memorial bütöv sutka turistlər və yerli sakinlərin üzünə açıqdır. Son illər Dan Braunun əsərlərinə xüsusi maraq göstərən birisi kimi deyə bilərəm ki, buranı görməyi çox istəyirdim...
Ayaz Mirzəyev, Eurasiadiary
WashingtonDC (ABŞ)
