Tanınmış təhsil eksperti Kamran Əsədov Azərbaycandakı universitet rektorlarına müraciət edərək onları Təhsil Nazirliyinin kollegiya qərarını yerinə yetirməməkdə ittiham edib.
Eurasia Diary İstanbuldan Bakıya yenicə qayıdan K.Əsədovun feysbuk postunu olduğu kimi təqdim edir:
"Hörmətli universitet rektorları, əməkdaşları, məsul şəxsləri:
Keçən həftə Təhsil Nazirliyinin kollegiyası sizlərə qəbul olmuş tələbələrin təhsil haqqını hissə-hissə ödəməyə imkan verməyinizi xahiş edib, tövsiyə edib.
Ayıb olsun sizə ki, təhsili bazara çeviribsiz. İnsanların maddi imkanı olsa, tam şəkildə ödəyər.
Bir neçə universitetin əməkdaşları müracət edən tələbələrə deyir ki, Təhsil Nazirliyinin qərarını göstərin. Bunu 17 yaşlı vətəndaşdan tələb etmək ayıbdır. Plan yerləriniz güclə dolub, 2 qəbul kampaniyası ilə. Hətta tam şəkildə belə dolmayıb. Bu tələbə onsuzda ödəyəcək, amma indi tam şəkildə imkanı çatmır. Yarısını indi ödəsin, yarısını da yanvar ayında.
Vətənə indi qayıtdım, baxıram ki, 100-dən çox müracət bu mövzudadır ki, hissə hissə ödənişə imkan vermirlər.
Amma Türkiyə universitetlərinin həm təhsil haqqı sizdən dəfələrlə azdır, hətta onlar nəinki 2 dəfəyə, hətta 3 dəfəyə tələbəyə təhsil haqqını ödəmək imkanı verirlər. Təhsilin keyfiyyətinidə ki, demirəm".