Dr. Sabrin Ali Azim 1988 ci ildə Bakı şəhərində ziyalı ailəsində anadan olmuşdur. Beləki atası dəri zöhrəvi üzrə Professor, anası telekomunikasiya üzrə mütəxəssis və bacısı ginekologiya ixtisası üzrə mütəxəssisdir.

2010 cu ildə Azərbaycan Tibb Universitetinin Stomatologiya fakültəsini bitirib həkim ixtisasını almışdır. Elə həmin ildə təhsilin ordinatura pilləsinə qəbul olunaraq 2012 ci ildə ordinatura təhsilini bitirib ağız və üz çənə cərrahı ixtisasına yiyələnmişdir. 2016 cı ildə isə elə Azərbaycan Tibb Universitetində ağız və üz çənə cərrahiyyəsi ixtisası üzrə tibb üzrə fəlsəfə doktorluğu dissertasiyasını müdafiə etmişdir.  Ağız və üz çənə cərrahiyyəsi üzrə mütəxəssis və tibb üzrə fəlsəfə doktorudur. Hal hazırda Birləşmiş Ərəb Əmirlikləri Ras al Khaimah medical health and sciences University  ağız və üz çənə cərrahiyyəsi kafedrasının assistentidir. Assistant professordur.  

İlk dəfə Türkiyəyə təcrübə məqsədi ilə səfər edəndə düşünürdü ki, orada özünü və ailəsini təmsil edir amma artıq BƏƏ-də yaşamağa və çalışmağa başladıqdan sonra isə başa düşür ki, artıq Dr. Sabrin Ali Azimi yox Azərbaycanı təmsil edir. BƏƏ-də yaşamağa və çalışmağa başladıqdan sosial şəbəkələrdə Azərbaycan haqqında məlumatlar paylaşmaqla, əcnəbi qonaqları qəbul edərkən Azərbaycana məxsus ləziz təamları təqdim etməklə, BƏƏ-dəki dost-tanışlarına Azərbaycan milli mədəniyyətinə xas  hədiyyələr verməklə fəaliyyətə başlamışdır.Ofisində Azərbaycan bayrağı, Azərbaycana aid şəkillər asmaqla öz vətənpərvərlik hisslərini göstərmişdir. Daha sonralar Azərbaycanı və Azərbaycanın mütəxəssislərini təbliğ etmək, tanıtmaq məqsədilə Azərbaycan Tibb Universitetinin əməkdaşı,  Professor Y. Yusubovun dodaq damaq yarıqları patologiyalarına aid modifikasyon əməliyyatı haqqında,  Kliniki Tibbi Mərkəzdə müəllimlərin necə həvəs və qayğı ilə təlim tədris prosesini təşkil etməkləri barədə dönə dönə danışmışdır. 

Bu bir neçə il ərzində gördüyü işlər:

Ras al khaimah medical health and sciences University və Azərbaycan Tibb Universiteti arasında müqavilə ( MOU) bağlanmasına nail olmuşdur ki, bunun nəticəsində artıq 35 dən çox tələbə 3 dəfə Azərbaycan Tibb Universitetinin rəhbərliyi altında təcrübə proqramı  keçmiş və məhz Azərbaycanda oz mütəxəssislərimizlə BƏƏ tələbələri üçün üç dəfə implantologiya üzrə nəzəri və praktik (master class) kurslar təşkil etmişdir. Eyni zamanda qeyd etmək lazımdır ki,praktikaya gəlmiş əcnəbi tələbələr ölkəmizdə turist olaraq qalmış,milli və mədəni dəyərlərimiz,həmçinin tariximizlə dərindən tanış olmuşlar. Yuxarıda qeyd edilmiş həmin əcnəbi tələbələr öz ölkələrinə Azərbaycanla bağlı xoş təəssuratlarla geri qayıtmışdır.

Eyni zamanda səhiyyə nazirliyi ilə mütəmadi görüşlər keçirilir,növbəti addım olaraq Pakistan Universiteti Riphaa və Azərbaycan Tibb Universiteti arasında əməkdaşlıq müqaviləsinin bağlanmasına nail olmuşdur.

Bu müqavilə çərçivəsində pasient hüquqları mövzusunda yüksək səviyyəli konfransın keçirilməsinə hazırlaşılır və gələcəkdə başqa böyük layihələrin həyata  keçirilməsi planlaşdırılır.

Azərbaycanı müxtəlif ölkələrdə təşkil olunmuş konfranslarda mühazirələri  və elmi məqalələri ilə layiqincə təmsil etmişdir. Təbii ki, Azərbaycan bayrağını hər fürsətdə qaldırmağa çalışmışdır. 

Çalışdığı universitetdə həmyerlilərimizin pulsuz müalicə və müayinələrdən faydalanmasına çalışmışdır. 

Pandemiya dövründə Covid-19 virusu ilə mübarizə aksiyası keçirtmişdir: gənc azərbaycanlı həkimlər və tələbələr üçün müxtəlif ölkələrdə tibbi fəaliyyət üçün lisenziyaların alınması və ya təhsillərinin davam etdirə bilmələri üçün yollar göstərmək məqsədi ilə online proqram yaratmışdır: Eyni zamanda bu proqramla Azərbaycanda olan müxtəlif təşkilatların, məsələn “SOS childrens village in Azerbaycan” Covid ilə necə mübarizə aparılmasını aydınlatmağa çalışmışdır. Xaricdə yaşayan gənc həkim və mütəxəssislərin fəaliyyətlərini dünya üzrə işığlandırmağa çalışmışdır. Buna görə də bəzən xarici dillərdə həmin mütəxəssislərin fəaliyyətləri haqqında məlumatlar verilmişdir. 

Azərbaycanlı gənc alim olaraq İtaliyadakı rezidentlər üçün vebinar keçirtmişdir. Təbii ki biliklərini Azərbaycanda olan tələbələr ilə bölüşmək üçün ATU və Azərbaycan Respublikasının Diasporla İş üzrə Dövlət Komitəsi tərəfindən təşkil olunan  brain gain proqramında iştirak etmişdir.

Məqsədi hər zaman Azərbaycanı yüksək səviyyədə təmsil etmək və tanıtmaq olmuşdur. Təəssüflər olsun ki, işi ilə əlaqədar olaraq fiziki olaraq hər zaman bütün tədbirlərdə iştirak edə bilməsə də mütəmadi olaraq konsulluqla sıx əlaqə yaradır,  gördüyü işlər haqda hər zaman geniş məlumatlar verir. Hər fürsətdən istifadə edib vətənə gəlməyin ən böyük səbəbi vətən sevgisi və bir ana olaraq qızının Azərbaycan mədəniyyəti, milli mənəvi dəyərlərini öyrənməsi istəyidir. Gördüyü bütün işlərin hər birində yaşadığı yeganə hiss ölkəmizə xidmət edə bilməyin verdiyi qürur hissi olmuş və ən böyük düşüncəsi isə “daha nə edə bilərəm” olmuşdur. Dr. Sabrin düşünür ki, Azərbaycan tarixi, elmi, mətbəxi və mədəniyyətinin, turizminin, təbliği, ziyalı soydaşlarımızın fəaliyyətinin işıqlandırılması və həmçinin qadın hüquqlarının qorunması kimi istiqamətlərdə faydalı ola bilər. Azerbaijani Ladies kluba qoşulması xüsusən bu cəhətdən önəmlidir ki, bu klub üzvlərindən böyük stimul və dəstək almışdır.

Gələcək planlarından biri isə - 18 İyul 2020 də Azərbaycanda cavan həkimlər üçün Fransada Tibbi Təhsil haqda pulsuz videokonfrans təşkil etməkdir. Bu layihə bu dəfə sadə diskussiya  “Azerbaijanis ladies club” və təbii ki bu yaxınlarda üzv olduğu “Alim scientific association” ilə birlikdə keçiriləcəkdir. 

* Yaşa, yaşa, yaşa, mənim xalqım. Yaşa, yaşa, yaşa, Azərbaycan*

 

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan