Bir qrup intellektual, savadlı, gənclər "Beynəlxalq Münasibətlər və Diplomatiya Araşdırmaları Mərkəzi"nin yaradılmasını elan edib.
Mərkəzin rəhbəri, Moskvada "Ali İqtisadiyyat Məktəbi" Milli Araşdırmalar Universitetinin beynəlxalq münasibətlər ixtisası üzrə magistri Samir Hümbətov EDNews-a təqdim etdiyi müraciətdə belə deyib:
“Əziz dostlar, hörmətli vətəndaşlar! Bildiyiniz kimi artıq bir neçə gün öncə bir qrup dəyərli, intellektual, savadlı, həm də öz işinin peşəkarı olan gənclərimizlə "Beynəlxalq Münasibətlər və Diplomatiya Araşdırmaları Mərkəzi"nin yaradılmasını elan etmişdim. Bugün isə sözügedən mərkəzin formalaşdırılması istiqamətində bir addım da ataraq həm mərkəzin üzvlərini, həm də loqosunu sizə təqdim etməkdən böyük məmnunluq hissi keçirirəm. İlkin mərhələdə mərkəzimizin əməkdaşları və strukturu belə nəzərdə tutulub.
1. Samir Hümbətov- sədr
2. Teymur Qasımlı - sədrin 1-ci müavini
3. Turan Rzayev - siyasi ekspert
4. Kenan Novruzov - siyasi ekspert
5. Elnur Ənvəroğlu - siyasi ekspert
Dəyərli dostlar, təbii ki, yuxarıda göstərilənlər ilkin mərhələdir. Sonrakı mərhələdə isə adları qeyd edilən və edilməyən şəxslər işinə və bacarığına uyğun olaraq müvafiq vəzifələrə təyin ediləcəklər.
Qısa zamanda mərkəzimizin iclası keçriləcək və orada nizamnaməyə uyğun olaraq həm struktur, həm də prioritet istiqamətlər müəyyənləşdiriləcək. Diqqətinizə görə təşəkkür edirəm.
Hörmətlə,
Samir Hümbətov,
"Beynəlxalq Münasibətlər və Diplomatiya Araşdırmaları Mərkəzi"nin rəhbəri"