Beynəlxalq Avrasiya Mətbuat Fondu (BAMF), Azərbaycan Respublikası Ərazilərinin Minalardan Təmizlənməsi Agentliyi - ANAMA və "Sülhün Kökləri" təşkilatının rəhbərliyi ilə baharın ilk günü - martın 21-də "Bir mina bir həyat. Minalardan üzümlüyə" aksiyası başladır.
Ednews xəbər verir ki, bu barədə “Sülhün Kökləri” humanitar təşkilatının təsisçisi Heidi Kühn Facebook səhifəsində məlumat verib.
"Bir mina bir həyat. Minalardan üzümlüyə.
"21 mart 2022-ci il saat 15:00/PST tarixində bu qlobal təşəbbüsü başlatdığımız zaman bizə qoşulun".
O, bu sözlərlə dünyada sülhə dəstək verən insanları xeyirxah aksiyaya qoşulmağı təklif edib.
"Ukraynalı analar və uşaqlar qaçmağa cəhd edərkən, onların ərləri və ataları isə cəbhə bölgəsində döyüşmək üçün geridə qalarkən, minalar (PHS) kaset sursatları qaçqın “insan dəhlizləri” boyunca torpağa basdırılır. Müharibə silahlarından qaçmaq üçün ümidsiz bir cəhdlə ailələrinin qarşısında uşaqların günahsız addımları "partlayır" - bu, dəhşətli deyilmi?
Bu ayın əvvəlində mən Rusiya ilə şimalda həmsərhəd olan Azərbaycanda səkkiz tank əleyhinə minanı partlatdım. Minaların məhv edilməsi və üzüm tənəklərinin əkilməsi humanitar “sülh aktı” idi".
Sonda xanım Kühn qeyd edib ki, bu işdə mütləq şəkildə güclərimizi birləşdirib, aksiyanın tam həyata keçməsi üçün sülhsevər insanlar bir yerdə hərəkət etməlidir. O, yardımsevər insanları bu xeyirxah iş üçün qeydiyyatdan keçməyə çağırıb.
"Sülhün kökləri” təşkilatının baş direktoru və təsisçisi Heidi Kühn olaraq, biz tərəfdaşlarımız Beynəlxalq Avrasiya Mətbuat Fondu (BAMF), Azərbaycan Respublikası Ərazilərinin Minalardan Təmizlənməsi Agentliyi – ANAMA, "BİR MİNA BİR HƏYAT ÜST DÜNYA HƏRƏKATI" üçün “yaxşılıq” naminə gücümüzü birləşdirməliyik. Minasız dünya, Yer üzündə sülhün köklərini əkdiyimiz zaman olacaq.
Martın 21-i baharın ilk gününə və "yeni gün" mənasını verən Əfqan Yeni ilinə təsadüf edir. Əfqanıstan dünyada ən çox minalanmış ölkədir.
Qeydiyyat və əlavə məlumat üçün:
Xatırladaq ki, "Sülhün Kökləri” təşkilatı 25 illik fəaliyyəti ərzində indiyədək 8 ölkədə vaxtilə müharibə gedən ərazilərdə 100 mindən çox minanın çıxarılmasına nail olub, eyni zamanda həmin ərazilərdə kənd təsərrüfatının inkişafına dəstək verib. Onun minalarla çirklənmiş əraziləri üzüm bağlarına çevirən “Minalardan Üzümlüyə” (“Mines to Vines”) adlı təşəbbüsü dünyada böyük hərəkata çevrilib. Bu təşəbbüs, Əfqanıstandan kənd təsərrüfatı məhsulları ixracının 2014-cü ildə əldə edilən 250 milyon dollardan 2020-ci ildə 1,4 milyard dollara yüksəlməsinə böyük töhvə verib.
Qeyd edək ki, Beynəlxalq Avrasiya Mətbuat Fondu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən ““Minasız Azərbaycan, Təhlükəsiz Qarabağ” beynəlxalq konfransına hazırlıq” layihəsi çərçivəsində fəaliyyətlərinə davam edir.
