"Azəriqaz" İstehsalat Birliyinin (İB) Xaçmaz Xidmət Sahəsinin işçiləri icarəyə götürülmüş binadan çıxarılıb.
Ednews-un əldə etdiyi məlumatlara görə, "Azəriqaz" İstehsalat Birliyi (İB) Xaçmaz Regional Qaz İstismarı İdarəsinin Xaçmaz Xidmət Sahəsinin fəaliyyət göstərməsi üçün inzibati bina kimi istifadə edilmək üçün Xaçmaz şəhərində icarəyə bina götürüb.
Əldə olunan məlumata görə, həmin bina üçün artıq bir neçə ay icarə haqqı ödənilmədiyindən binanın sahibi işçiləri çıxararaq, qapıları qıfıllayıb.
Xaçmaz Regional Qaz İstismarı İdarəsinin baş mühəndisi Gülyar Hüseynov Ednews-a açıqlama verərək
"Sözügedən məsələ tam başqadır. Belə ki, həmin idarə binasını artıq bir neçə illərdir ki, hər ay üçün 900 manat ödəniş etməklə icarəyə götürmüşük. Lakin, 2022-ci ilin əvvəlində binanın sahibi icarə haqqını 900 manatdan 2000 manata qaldırılmasını təklif edib. "Azəriqaz" İB-nin rəhbərliyi bununla razılaşmayaraq, başqa bina tapıb, köçməyə qərar verdi. Hazırda, son 3 ayın qalıq pullarının bina sahibinin hesabına köçürülməsi işləri aparılır. Artıq yeni bina tapılıb, əşyaları ora köçürülməsi işləri gedir."- bildirib.
Qeyd edək ki, sosial şəbəkələrdə borc səbəbindən sözügedən idarənin əməkdaşlarının idarədən çıxarıldığı barədə məlumatlar yayılıb.
Aydın Adıgözəlov. Xaçmaz
.jpeg)
