Qərbi azərbaycanlılarla bağlı həqiqətləri beynəlxalq ictimaiyyətin diqqətinə çatdırmaq üçün arxiv sənədlərinin açılması təklif edilib.
Ednews xəbər verir ki, bu barədə deputat Əziz Ələkbərli, həmçinin bəzi parlament üzvləri 1988-ci ildə Ermənistandan azərbaycanlıların deportasiyaya məruz qalması, eləcədə bu ölkədə erməni millətçiləri tərəfindən onlara qarşı törədilən cinayətlər ilə bağlı Milli Arxiv İdarəsində saxlanılan sənədlərin açılmasının vaxtının çatdığını bildiriblər.
Onlar, həmçinin Arxiv İdarəsi rəhbərliyindən məxfi fonda saxlanılan bu sənədlərin açılmamasının səbəbləri barədə məlumat vermələrini də istəyiblər.
Milli Məclisin deputatı Ramin Həsən Edews - açıqlamasında qeyd edib ki, Prezident İlham Əliyev başda olmaqla Azərbaycan Respublikasının rəsmiləri məsələ ilə bağlı ciddi tədbirlər görməkdədir.
“Dədə-baba torpaqlarından deportasiya olunan soydaşlarımızın hüquqlarının qorunması və bununla bağlı sənədlərin beynəlxalq qurumları çatdırılması üçün müfaviq addımlar atılmaqdadır. Eyni zamanda dövlət strukturları lazımi qaydada və məqsədəuyğun hesab etdikləri halda diqqəti lazımi addımları da atacaqlar. Qərbi Azərbaycanlılar məsələsinin qaldırılması Azərbaycanın xarici siyasətində əsas yer tutur”.
Məsələ ilə bağlı Milli Arxiv İdarəsinin İnformasiya Təminatı və Elektron Xidmətlər Mərkəzinin rəhbəri Natiq Eminov Ednews-a bildirib ki, indiyə qədər idarə tərəfindən 1948-1953-ci illəri əhatə edən Ermənistandan azərbaycanlıların deportasiyasına aid 580-ə yaxın sənədlər toplusu nəşr edilib.
“1988-ci ildə deportasiyaya məruz qalan azərbaycanlıların məsələsinə gəldikdə isə onu bildirim ki, Daxili İşlər Nazirliyi nəzdində fəaliyyət göstərən qurumlar həmin ildə Ermənistanı məcburi tərk edən azərbaycanların sovet passportlarını yığıb və onlara şəxsiyyət vəsiqəsi verib. Qərbi Azərbaycanlıların vaxtı ilə daşıdığı Ermənistan SSRİ vəsiqələri Daxili İşlər Nazirliyinin xüsusi arxiv fondunda mühafizə olunur”.
N.Eminovun sözlərinə görə, 1988-1989 - ci illərdə Ermənistanda baş verən hadisələr ilə bağlı sənədlər Nazirlər Kabineti tərəfindən 30 illik müddətində məxfiləşdirilib.
“Həmin sənədlərin üzərindən məxlifik qrifinin götürülməsi Nazirlər Kabinetinin qərarından aslıdır. Bir məqamıda nəzərə çatdırım ki, məxlifilik qrifi ləvğ olunsa belə, bu sənədləri ictimaiyyətə təqdim etmək yenə də mümkünsüz olacaq.
Çünki bu sənədlərin açılma hüququnun Arxiv İdarəsinə verilməsi məsələsi idarələrarası komissiyanın iclaslarında müzakirə olunmalı və onların nəzərindən keçməlidir. Sənədlərin məxfilik qrifinin götürülməsi həmin qurumun təşəbbüsü əsasında həyata keçirilə bilər”.
Bundan əlavə, Natiq Eminov milli arxiv fondunun saxlanılması və komplektləşdirilməsinin mühafizəsi qaydaları haqqında Nazirlər Kabinetinin 2000 - ci il 6 mart tarixli 32 saylı qərarı və digər qanunvericilik aktları mövcud olduğunu bildirib. Onun sözlərinə görə, axriv sənədlərin açılması böyük bir prosedur nəticəsində həyata keçirilir.
Yunis Abdullayev
