Əlilliyi olan şəxslərə qarşı işlədilən bəzi ifadələrin əvəzlənməsi təklif edilib. Bununla bağlı Azərbaycan qanunvericiliyindən “şikəst” sözü çıxarılaraq “xəsarət almış” sözü ilə əvəzlənəcək.

Lakin bu təklif cəmiyyət arasında birmənalı qarşılanmayıb. Dəyişiklik sosial şəbəkələrdə istifadəçilər arasında fikir ayrılığına gətirib çıxarıb. Onlar bunun mənasız olduğunu qeyd ediblər.  

Dövlət Dil Komissiyası yanında Monitorinq Mərkəzinin şöbə müdiri Şahlar Məmmədovun fikrincə isə qərar yerində verilib. O, bu barədə Ednews-a danışarkən deyib.

Filologiya üzrə fəlsəfə doktoru Təranə Çərkəz qızı isə dilçi Şahlar Məmmədovla eyni fikirdə deyil. Ona görə bu iki sözün mənası fərqlidir.

“Bu iki sözün mənası fərqlidir. Adətən belə sözlər mətbuatdakı aktivliyinə görə dəyişir. Ancaq xəsarət almaq başqadır, şikəst qalmaq başqa. Bu iki söz ayrı-ayrı məna ifadə edir, heç zaman bir-birini əvəz edə bilməz”. 

Qeyd edək ki, dəyişiklik “Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsi”, “Hərbi xidmətkeçmə haqqında Əsasnamə” və “Azərbaycan Respublikasının daxili işlər orqanlarında xidmət keçmə haqqında Əsasnamə”də ediləcək.

Ləman Abbaslı

• Tag:
• Dilçi
• Şahlar Məmmədov
• Ləman Abbaslı
• Təranə Çərkəzqızı
• Şikəst sözü nə ilə əvəz olundu
• Şikəst
• Xəsarət almış