Koronavirus pandemiyasına görə, iki ildən çoxdur ki, Azərbaycan quru sərhədlərini bağlayıb. Dünya ölkələrinin bir çoxu bu qadağaları aradan götürsə də, Azərbaycanda hələ də quru sərhədlər qapalıdır və qadağalar davam edir. Yolların bağlı olması yay mövsümünün gəlişi ilə insanlarda daha çox narazılıqlar yaradıb. Nəzərə alsaq ki, bununla əlaqədər olaraq daha bir problemlə - onsuzda baha olan aviabiletlərin qiymətinin yüksəlməsi ilə qarşılaşan vətəndaşların əsəbləri tarıma çəkilib.
Məsələ ilə bağlı Ednews-a danışan Ağ partiyanın sədri Tural Abbaslının fikrincə, quru sərhədlərin bağlı olması ölkə üçün heç də ürək açan bir vəziyyət deyil. Onun sözlərinə görə, bu əsasən turizm sahəsi daxil olmaqla, digər sferalarda da ağır nəticələrlə özünü biruzə verəcək.
“Quru sərhədlərin bağlı olması və avia-biletlərin baha qiymətə satılması vətəndaşlarımızın başqa ölkələrə səyahət etməsi üçün bir sıra problemlər yaradır. Eyni zamanda xarici turistlərin Azərbaycana səfərlərində də azalma müşahidə olunur və bu da bir mənalı olaraq ölkənin turizm sektorunun inkişafı üçün bir sıra problemlər yaradır”.
Partiya başqanı onu da qeyd edib ki, problemin həlli üçün ilk növbədə avia biletlərinin qiymətinin aşağı salmaq olar.
‘’Necə olur ki, Gürcüstandan Avropaya eyni təyyarələrlə 10 qat ucuz qiymətə səyahət etmək olur, Azərbaycanda isə qiymətlər əl yandırır. Mütləq şəkildə Azərbaycan Hava Yollarına (AZAL), biletlərin vətəndaşlar üçün əlçatan olması üçün qiymətlərinin endirilməsi tövsiyyə olunmalıdır. Müqayisə üçün qeyd edim ki, Gürcüstandan Avropaya 30 avroya səyahət etmək olur. Azərbaycandan isə vətəndaşlarımız Naxçıvana getmək üçün 60 manat yani 30 avro xərcə düşür”.
Xaliq Quliyev
.jpeg)
.jpeg)
