Sabirabad Rayon Polis Şöbəsinə müraciət edən rayon sakini olan bir qadın deyib ki, onun qızı sosial şəbəkədə tanış olduğu oğlanla getsə də sonradan geri qayıdıb. Oğlan isə qızı onunla getməyəcəyi təqdirdə ölümlə həədləyib və yaşadıqları evi yandıracağını bildirib.
Ednews xəbər verir ki, bu barədə informasiyanı DİN-in Mətbuat Xidməti yayıb.
Mənbə qeyd edir ki, polis əməkdaşlarının keçirdikləri əməliyyat-axtarış tədbirləri nəticəsində bu əməli törətməkdə şübhəli bilinən Abşeron rayon sakini E.Zamanov müəyyən edilərək saxlanılıb.
Onun yaşadığı evə baxış zamanı oradan pnevmatik tapança, 1 ədəd patron darağı və 15 ədəd patron aşkar olunaraq götürülüb.
