"Vitse-prezident seçilməyim Azərbaycan şahmatının təntənəsidir" - Mahir Məmmədov - ednews.net

25 Sentyabr,

(+994 50) 229-39-11

"Vitse-prezident seçilməyim Azərbaycan şahmatının təntənəsidir" - Mahir Məmmədov

Cəmiyyət A- A A+

Hindistanda baş tutan seçkilərdə növbəti dəfə Beynəlxalq Şahmat Federasiyasının (FIDE) vitse-prezidenti seçilən Azərbaycan Şahmat Federasiyasının prezidenti Mahir Məmmədov rəsmi sayta açıqlama verib.

Ednews xəbər verir ki, o, FIDE kimi nüfuzlu təşkilata vitse-prezident seçilməsini Azərbaycan şahmatının qələbəsi kimi dəyərləndirib:

“Ölkəmizdə keçirilən mötəbər idman o cümlədən şahmat yarışları həm də təcrübəli idman funksionerlərini formalaşdırıb. Artıq beynəlxalq təşkilatlar Azərbaycan idman funksionerlərini öz komandasında görmək istəyir. FIDE kimi nüfuzlu təşkilata vitse-prezident seçilməyim Azərbaycan şahmatının təntənəsidir. Bu Azərbaycan prezidenti İlham Əliyevin uzun illər şahmata və şahmatçılara göstərdiyi yüksək qayğının nəticəsidir.

Batumidə seçkilərdə qələbə qazanandan sonra Arkadi Dvorkoviç əvvəlcədən elan etdiyi proqram üzrə işləməyə başladı. FİDE rəhbəri çox zəhmətkeş və şahmatı sevən insandır. Yeni layihələrlə əksər çempionatların mükafat fondu artırıldı, bir sıra təqaüdlər təsis edildi. Mühüm layihələr həyata keçirildi. Arkadi Dvorkoviç dünya şahmat ailəsini birləşdirdi və şahmatın daha da populyarlaşması istiqamətində böyük işləri reallaşdırdı. Eyni zamanda dünya çempionu Vişvanatan Anandın Arkadi Dvorkoviçin komandasında yer alması böyük dəstək idi. 2018-ci ildə 107 səslə qalib olan komandamız bu dəfə 157 səslə birincilik əldə etdi. Yekun nəticə FİDE-nin hazırkı rəhbərliyinin doğru yolda olduğunu göstərdi”.

Qeyd edək ki, bu gün Hindistanda FIDE rəhbər vəzifələrinə seçkilər keçirilib. Azərbaycan Şahmat Federasiyasının prezidenti Mahir Məmmədov ikinci dəfə FIDE də vitse-prezident seçilib.



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...