Azərbaycan nefti haqqında müsəlmanların müqəddəs kitabı sayılan “Quran-ı –Kərim”də bir neçə yerdə qeydlər var.

Bu barədə Qahirə Universitetin doktoru və Misirdəki Azərbaycan diasporunun sədri, tədqiqatçı-alim Seymur Nəsirov bildirib. O, Ednews-a açıqlaması zamanı deyib. Alim qeyd edib ki, bu barədə araşdırma apararkən, maraqlı faktlara rast gəlib.

“Kəhf sürəsinin 86-cı ayəsində peygəmbər Zulqərneynidən bəhs edilərkən,  onun günəşin batmağını Xəzər dənizi sahilində olan Bakı şəhərində gördüyü qeyd olunur. Ayədə həmçinin qeyd olunub ki, həmin şəhərdə əsasən qara palçığa bürünmüş saf olmayan çeşmələr var. Burada neft quyuları nəzərdə tutulur. Bildiyiniz kimi ta qədimdən Azərbaycan diyarı neftlə məşhur olan bir diyardır. Hətta bundan 8 əsr öncə olan mötəbər mənbələrdə Bakı nefti haqqında geniş məlumatlar var”.

S.Nəsirov vurğulayıb ki, Ərəb ölkələri o zaman həm qara, həm də ağ nefti gündəlik 2000 dirhəmə Bakıdan əldə edidilər. Hətta Erməni mənbələri bu fakta görə, yalandan Bakının erməni şəhəri olduğunu da iddia edirlər.

“Məhz bu fakta görə də bədnam qonşularımız Bakının bir erməni şəhəri olduğunu da iddia edirlər”.

Alim deyir ki, hətta Bakı haqqında qədim tarixçi İbn Xəldun da öz yazılarında qeyd edib.

“İbn Xəldun tarix kitabında qeyd edirdi ki, “Bakının girəcəyində böyük dəmir qapı var. Yerli xalq ona "demir qafı" deyirdi”. Yəni, həmin o söz birləşməsində ki, Azərbaycan sözü ərəb əlifbası ilə yazılıb. (ərəb dilində "p" hərfi olmadığından, "f" hərfi ilə əvəzlənib). Bu da onu sübut edir ki, əsrlərdən bəri Bakıda biz öz ana dilimiz-Azərbaycan dilində danışmışmışıq”.

Rəna Mürşüd