Son iki ayda bazarda tərəvəzlərin qiyməti 5.7% bahalaşıb.
Artım ən çox pomidor, xiyar və kartofun qiymətində müşahidə edilir. Maraqlıdır bu qiymət artımı nə ilə əlaqəlidir? Bu inflyasiya yoxsa soyuq fəsillə bağlıdır?
İqtisadçı- ekspert Natiq Cəfərlinin fikrincə Azərbaycanda yaşanan qiymət artımının sürətlənməsi bir neçə amillərdən ibarədir.
“Əsas amillərdən biri daxili istehsalın zəif olmasıdır. Daxili istehsal az olanda mövsümi səbəblər daha çox təsir etməyə başlayır. Biz qış aylarında da qiymətlərin baha olduğunu müşahidə edirik. Bundan başqa Yeni ilin də öz təsiri var. Hər il ölkədə Yeni il öncəsi qiymətlərin artması kimi pis ənənə var.Təlabatın artması qiymət artımına da təsir edir. İnflyasiya ilə mübarizədə orta və uzun müddətli tədbirlər kimi yerli istehsalın artırılmasının da öz rolu var. Amma bu zaman alan bir məsələdir”.
Inflyasiya ilə mübarizə üsüllarından danışan iqtisadçı təklif edib ki, ərzaq məhsullarında əlavə dəyər vergisi azaldılsın.
“Bu Əlavə dəyər vergisi 8 %-dən 2%- ə salınmalıdır. Əgər bu baş verərsə, Azərbaycanda qiymət artımının sürəti azala bilər. Bəzi məhsul növləri üzrə ucuzlaşmanı da görə bilərik. Çünki Azərbaycan əhalisinin 80 %-dən çoxu öz ərzaq təlabatını şəbəkə marketlərdən ödəyir. Bu da böyük bir rəqəmdir. Hər 5 nəfərdən 4-ü şəbəkə marketlərdən istifadə edir. Onların da hər biri əlavə dəyər vergisi ödəyicisidir. Ərzaq məhsullarına əlavə ödəniş edərkən əlavə dəyər vergisini də ödəmiş olurlar”.
Ayan Rzayeva