Bu il oktyabrın 14-də Beynəlxalq Avrasiya Mətbuat Fondu fəaliyyətinin 30 illiyini qeyd edib.
Ednews xəbər verir ki, yubiley tədbirində beynəlxalq təşkilatların nümayəndələri, xarici qonaqlar, dövlət xadimləri və bir çox rəsmi şəxslər iştirak edib.
Tədbirdə bir çox dövlət rəsmiləri BAMF prezidenti Umud Mirzəyevi təbrik edərək ona və onun komandasına səmimi ürək sözlərini çatdırıblar. Umud Mirzəyevi təbrik edənlərdən biri də Ailə, Qadın və Uşaq Problemləri üzrə Dövlət Komitəsinin sədri Bahar Muradova olub. Xanım Muradova BAMF-ın 30 il şərəflə keçdiyi çətin yoldan söz açaraq Umud Mirzəyevin mətbuatın inkişafına verdiyi töhfələrdən söz açıb. O, qeyd edib ki, BAMF ilk gündən çətin, şərəfli yolu yalnız sülhə, sülhün əldə olunmasına həsr edib.
“Sovet ittifaqı dağılıb Azərbaycan müstəqilliyini qazandığı zaman saysız - hesabsız problemlərlə üzləşdi. Elə bir çətin dövrdə ölkəmizin yaşadığı həqiqətləri dünyaya çatdırmaq üçün ziyalılarımızın sözünə, işinə, əməlinə böyük ehtiyac vardı. Bu zaman Umud Mirzəyev qələmiylə və əməliylə əlini daşın altına qoydu. 1992-ci ildə müxtəlif ölkələrdən olan bir qrup xarici jurnalistlərlə Beynəlxalq Avrasiya Mətbuat FONDU-nu ( BAMF) yaratdı. Tezliklə fond Azərbaycanda və digər münaqişə zonalarında baş verən hadisələri dünyaya çatdırmağı bacardı, ən yüksək tribunalardan Azərbaycanın düşdüyü vəziyyəti dilə gətirdi”.
B.Muradovanın sözlərinə görə, bu il fondun yaradılmasının və fəaliyyətə başlamasının 30 illik yubileyi keçirildi.
“Dövlət rəsimlərinin, beynəlxalq təşkilatların, diplomatik korpusların, vətəndaş cəmiyyəti qurumlarının və jurnalstlərin iştirak etdiyi tədbirdə çıxış edən BAMF ın prezidenti Umud Mirzəyev ötən illər ərzində gördükləri işlərdən danışdı. Yəqin ki, BAMF-nun 30 illik tədbiri yerli və xarici qonaqların xatirəsindən uzun müddət silinməyəcək”.