“Tatto”lar müasir dəbdir yoxsa təhlükə mənbəyi? - MÜNASİBƏT - ednews.net

5 Fevral,

(+994 50) 229-39-11

“Tatto”lar müasir dəbdir yoxsa təhlükə mənbəyi? - MÜNASİBƏT

Cəmiyyət A- A A+

Bu gün şəhərin bir çox yerlərində tatto ustalarının fəaliyyət göstərdikləri müəssisələr var. Ölkədə tattolara təlabat da get-gedə artır.

Ednews bu barədə mütəxəsislərin fikirlərini öyrənib. Cavabları təqdim edirik:

Tatto ustası Nahid Tağıyev bildirir ki, gələn insanların əksəriyyəti başqalarında görüb gəlirlər. 

“Özlərinə aid qərarlarının olmaması yaxşı hal deyil. Çox nadir hallarda özünəməxsus kreativ düşüncələrlə gələn insanların şahidi oluruq. Həyatlarında hər  mənanı kəsb edən döymələr istəyən şəxsləri görürük”.

Psixoloq Gülnar Orucova bildirib ki, əslində tarixdə tattoları kriminal aləmin nümayəndələri döydürürdülər. 

“Bundan daha çox cəzaçəkmə müəssisələrində istifadə olunub. Qəzəbi təmsil edən şir, pələng simvolları vurulurdu. Daha sonra bu sahə formalaşmağa başladı.  Xüsusən də gənclərdə maraq yaranmağa başladı. Bəzən gənclər bu simvolların mənasını dərk etmədən döymə vurdururlar”.

Onun sözlərinə görə yeniyetmələr bunu daha çox özlərini yetişkin kimi göstərmək üçün edirlər.   

“Xanımlar da tattolardan istifadə edirlər. Amma tattoları əsasən aksesuar kimi görürlər. Bir psixoloq kimi məsləhət görməzdim ki, gənclər onlara verilmiş bədənləri müxtəlif şəkillərlərlə bəzəsinlər. Tatto dəblə ayaqlaşmaq üçün üsul deyil. Hətta elə insanlar var ki, sevdikləri insanların adlarını bədənlərinə döydürürlər. Bu sevginin göstəricisi ola bilməz”.

Maraqlıdır ki, tattoların insan səhhətinə zərərləri varmı?

Bu barədə terapevt Nəbi Absalamovun fikirlərini öyrəmdik. O, qeyd etdi ki, tattoların ən böyük zərəri infeksiyalarla bağlıdır.

“Ən  çox təhlükə yarada biləcək xəstəliklər Hepatit D xəstəliyidir. Təbii ki, steril şəkildə olacaqsa bu xəstəliklərin yayılma riski olmur. Amma əksər hallarda bu işlə məşğul olanlar klinikalarda deyil, hər hansı yerlərdə fəaliyyət göstərirlər”.

Terapevt həmçinin əlvavə etdi ki,  burada çox vaxt gigiyenik qaydalara riayət olunmadığına görə Hepatit D, QİÇS deyilən xəstəliklərin yayılma riskini artırır.

“Amma insan orqanizminə steril şəraitdə tattoların vurulmasının heç bir ziyanı yoxdur”. 

O, tattolardan istifadənin dəri xərçəngi yarada biləcəyi haqqında fikirlərə də münasibət bildirib.

“Əgər insan bədənində dəri xərçəngi yarada biləcək hüceyrələr varsa tatto döydürmək olmaz. Amma tatto dəri xərçənginin yaranmasına səbəb olacaq yeganə  səbəblərdən deyil”.

Ayan Rzayeva 



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...