Türkiyənin Qars əyalətində “Qış-2023” birgə hərbi təlimlərinin son günü keçirilir.

 

Ednews  xəbər verir ki, təlimlərə Türkiyə, Azərbaycan, Qazaxıstan, Qırğızıstan, daxil 17 ölkədən hərbçilər iştirak edir. Ümumilikdə 2113 personal iştirak edir, onlardan 189-u xarici ölkələrdən qatılan hərbçilərdir.

 

Kəskin hava şəraitində keçirilən “Qış-2023” təlimlərində Türkiyənin Quru Qoşunları, Hərbi Hava Qüvvələri və Hərbi Dəniz Qüvvələri, xüsusi təyinatlıları və digər bölümləri iştirak edir.

 

Qeyd edək ki, Azərbaycan təlimlərə tank bölümü, snayper bölümü, Hərbi Hava Qüvvələrinin bölümü (paraşüt) və Silahlı Qüvvələrinin Baş Qərargahının personalı ilə qatılıb.

 

Təlimlərin məqsədi müştərək hərəkatın icrasına dair koordinasiya və sinxronluğu təmin etmək, kəskin hava şəraitində atəş və digər hərbi manevrləri təkmilləşdirmək, o cemlədən, qış fəslində bölümlərin yerləşməsini təmin etməkdir.

 

18 yanvar - 2 fevral tarixlərində keçirilən təlimlər çərçivəsində ilk dəfə olaraq “GİRİT” tank əleyhinə raket sistemi, “KN-12” snayperi, “KARGU” kamikadze dronları, digər silah və hərbi texnika cəlb edilib. Bundan əlavə, “F-16” qırıcıları və “ATAK” helikopterləri də hava manevrləri nümayiş etdirib.

 

Xatırladaq ki, Qış-2023” təlimlərini izləmək üçün Azərbaycan müdafiə naziri general-polkovnik Zakir Həsənov Türkiyədə səfərdədir.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary