Rusiya vətəndaşları kütləvi olaraq Krımdan köç edir.
Ednews xəbər verir ki, bu barədə Çexiyanın “İrozhlas” nəşri məlumat yayıb.
Nəşrin araşdırmasına görə, 2014-cü ildə Rusiya tərəfindən ilhaq edilən Krım yarımadasında evlərin satışında ciddi artım müşahidə olunur.
Ötən ilin müvafiq dövrü ilə müqayisədə satışa çıxarılan daşınmaz əmlakların sayında 2 dəfədən çox artım var. Lakin həmin obyektləri almağa maraq göstərənlərin sayı olduqca azdır.
Nəşr daşınmaz əmlak bazarındakı fəallığın rusların Krımdan kütləvi qaçışı ilə bağlı olduğunu qeyd edib.
Krımla yanaşı Rusiyanın Ukrayna ilə sərhəddə yerləşən Belqorod əyalətində də oxşar durumun hökm sürdüyü vurğulanıb.
