“Könüllü Həkimlər Assosiasiyasının üzvləri Türkiyəyə yola düşmək üçün qardaş ölkənin Azərbaycandakı səfirliyindən xəbər gözləyirlər”.
Bu sözləri Ednews-a Azərbaycan Könüllü Həkimlər Assosiasiyasının rəhbəri Oktay Mehtiyev deyib. O, qeyd edib ki, səfirliyə ilk gündən müraciət etmişik. Hələki xəbər yoxdur. Onlar da Türkiyədəki Təşkilat Komitəsindən məlumat gözləyirlər.
“Çox güman ki, şəraitlə bağlı problemlər var. Çünki məlumat verdilər ki, çətinliklər keçilməz yollarla əlaqədardır. Biz yenə də hazırıq. Ehtiyac varsa, bizi dəvət edəcəklər. Təşkilatımızda 500-dən çox həkim var və hamısı da getməyə hazırdır. Sadəcə olaraq 44 - Zəfərimizi simvolizə edən rəqəm olduğu üçün 44 nəfərdən ibarət heyət ilk gündən hazır durmuşuq”.
Oğuz Ayvaz
