Bu gün ermənilərin Azərbaycan xalqına qarşı törətdiyi ən dəhşətli qətliamlardan biri olan Xocalı soyqırımının 31-ci ildönümüdür. 1992-ci il fevralın 25-26-na keçən gecə Ermənistan silahlı qüvvələri şəhər sakinlərinə qarşı dəhşətli qətliam törədiblər. Ermənilər Xocalıda ən son növ öldürücü silahlardan istifadə etməklə, günahsız insanlar vəhşicəsinə qətlə yetiriblər. Rəsmi məlumatlara görə, 106-sı qadın və 83-ü uşaq olmaqla, 613 mülki şəxs həlak olub. Bununla belə, müstəqil mənbələrə görə, bu hücumlarda ölənlərin sayı 1300-ü ötür, 487-si ağır yaralı, əlavə olaraq 275 məhbus və onlardan 150-si haqqında hələki məlumat yoxdur.
Bu soyqırımı şərh etmək üçün İraq da Strateji Araşdırmalar Mərkəzinin direktoru və İraq-Azərbaycan Dostluq cəmiyyətinin rəhbəri doktor Moataz Mohie Abdel Hamid şərh edib. O, bu qətliamı insanlığa qarşı ən dəhşətli cinayət adlandırıb.
Onun Edennews- a verdiyi müsahibəni təqdim edirik:
- Ərəb dünyası, xüsusən də İraq Xocalı soyqırımı nə dərəcədə tanıyır?
-Ötən illərdə İraq mətbuatında Xocalı soyqırımına aid yazılar yox idi, lakin 2012-ci ildə Azərbaycanda səfərdə olandan və beynəlxalq konfransda iştirak etdikdən sonra bu soyqırım haqqında çox oxudum və yazmağa başladım. İraqın müxtəlif qəzetlərində, o cümlədən “Al-Murakib”, “Al-Dostor və zaman” qəzetlərində bu haqda çoxlu məqalə və araşdırmalar dərc edildi və iki il əvvəl nəşr olunmuş “Qarabağ münaqişəsinin tarixi” kitabımda buna bir fəsil ayırdım.
- İraq Respublikasının bu soyqırım bağlı rəsmi mövqeyi necədir?
- İraqın rəsmi mövqeyi belə dəhşətli qətliamları pisləyir və təşkilatlarının qərarları ilə həmişə Azərbaycan hökuməti xalqını dəstəkləyir .
- 1992-ci il fevralın 26-na keçən gecə baş verənlər Azərbaycan xalqına qarşı soyqırımdır. Bəs, siz bu haqda nə düşünürsünüz?
- 20-ci əsrin sonlarında ermənilərin Xocalıda törətdikləri soyqırımı indiyədək insanlığa qarşı törədilmiş ən ağır cinayətlərdən biri kimi qiymətləndirilir. Xocalı faciəsinin dünyanın digər yerlərində baş verən soyqırımlardan heç bir fərqi yoxdur və bu tarixin yaddaşından heç vaxt silinməyəcək. Bu hadisə vaxtı ilə bütün beynəlxalq ictimaiyyəti narahat etmişdi. Bundan başqa, ermənilərin məqsədi Azərbaycandakı bu qədim şəhərin izlərini yer üzündən silmək idi. Xocalı Azərbaycanın qədim torpaqlarından biri kimi tarix və mədəniyyət abidələri ilə seçilir. Xocalıda o dövrdə sayı 7 min nəfəri ötmüş azərbaycanlı əhali yaşayırdı. İraqda bu faciə bütün millətlərdən və dinlərdən olan Azərbaycan xalqına qarşı soyqırım cinayəti hesab edirik. Bu, İŞİD-in İraq xalqına qarşı törətdiyi terror cinayətlərinə bənzəyir.
Loğman Yunis